நியூற்றினோவும் எனது தோழியும்

உயிரோசை'யில் எனது கவிதை

 நியூற்றினோவின் துணை கொண்டு
ஒளியினுங்கூடுதல் வேகம்
பயணித்தும் உன் மனதின் ஆழம்
இன்னும் அறிய இயலவில்லை தோழி
ஐன்ஸ்டீன் தோற்றதும்
இங்கனம் தான் போலிருக்கிறது.

பயணத்தில் பல படிகள்
கீழிறங்கும் போது அறிய முடிந்தது.
இதுவரை நீ எனக்குக்காண்பிக்காத
உனது உள் மனத்தின்
ஒரு படியிலும் எனக்கான
இடம் இல்லை என்பதை.

எங்காவது ஒரு மென்மையான
மூலையில் எனக்கான ஒரு
இடம் இருக்குமென நினைத்து
எனக்குள் மகிழ்ந்திருந்த என்னை
என்றோ பிறந்த உன்னுடன் ,
நேற்றுப்பிறந்த நீயூற்றினோவும்
சேர்ந்து சபித்துவிட்டதில்
முதல் முறையாக எனக்குக் கோபம் வந்தது

ஐன்ஸ்டீனின் விதியை
மீள நிரூபிக்கும் ஆராய்ச்சியில்
இனியும் தாமதிக்காமல்
முழு மனதுடன் இறங்கிவிடுவதென்று
முடிவெடுத்திருக்கிறேன்.
புரட்டிப்போடும் அறிவியலும்
இந்த இயல்(ற்)பியலுக்கு
உதவவில்லை என்பதால்

.