Monday, February 3, 2014

துளிப்பாக்கள்



புழு தின்னத்தொடங்கும்
சடலத்தின் நாற்றம்
எனக்குள்ளும் இருக்கிறது
-

இரண்டு நிலவுகள்
இருக்கும் வானில்
ஆதவனுக்கு வேலையில்லை
-

அவனைப் பைத்தியம்
என்று நினைக்கவேண்டாம்
அழிந்து கொண்டிருக்கும் அவன் மொழியை
தனக்குள் பேசிக்கொண்டிருக்கக்கூடும்
-

ஒரு சகமனிதனுக்குரிய
மரியாதை
கிடைத்தால் மட்டும் போதும்
வாழ்ந்துவிடலாம்
-

இந்த வெய்யில் சுற்றிவந்து
என் அடுத்த ஜன்னலைத் தொட
இன்னும் ஆறுமாத காலம் பிடிக்கும்
-

என் நனவிலி மனதின்
திறவுகோல்
உன்னிடம் இருக்கிறது

-
மணற்கடிகாரத்தை
மீளத் திருப்பி வைக்கத்தான்
வேண்டியிருக்கிறது