Sunday, June 25, 2017

மேற்கே நடந்தேன்



பாலையை நடந்தே கடந்த முகமது
கந்தனிடம் மயிலைக்கேட்டிருக்கலாம்
சிலுவையுடன் பல கல் தொலைதூரத்தை
தோளில் சுமந்தே கடந்த ஏசு
அதே கந்தனிடம் தொற்றிக்கொள்ள
வேண்டியிருக்கலாம்

*** 

உன்
நிர்வாணத்தைப்
பார்க்கத்தூண்டும்
ஆடை

*** 

மலையில்
வளைந்து நெளிந்து
செல்கிறது பாதை
யாரைத்தேடி ?

*** 

காகம் அடைகாத்த
குயில் நீ
குயில் அடைகாத்த
காகம் நான்

*** 

மேற்கே நடந்தேன் இடித்தான் ஒரு கம்யூனிஸ்ட்
தெற்கே நடந்தேன் இடித்தான் ஒரு ஆர் எஸ் எஸ்
வடக்கே நடந்தேன் இடித்தான் ஒரு காங்கிரஸ்
கிழக்கே நடந்தேன் இடித்தான் ஒரு வஹாபி
குறுக்கே நடந்தேன் இடித்தான் ஒரு மாவோயிஸ்ட்
எம்பிக் குதித்தேன் இடித்தான் ஒரு பிஜேபி
சும்மா இருந்தேன் இடித்தான் ஒரு திராவிடன்

*** 

கிளிகள்
பேசத்தொடங்கியதும்
கூண்டுகளில்
அடைபட்டன

*** 

இன்மையை எழுதுகிறேன்
அதில்
இருக்கிறாய்
*** 

குடையை
மடக்கி வைத்துவிட்டு
மழையில் நடக்கலாம்
கொஞ்சம் குடையும்
நனையட்டும்

*** 


 மலைகள் இதழில் வெளியானவை

Wednesday, June 21, 2017

சர்வைவா!




எனக்கே தெரியாம சாயங்காலம் ஆறுமணிக்கே லிரிக்ஸ் வீடியோவோட பாட்டை ரிலிஸ் பண்ணி விட்டான் தம்பி அநிருத் :) நல்லவேளை 'நெருப்புடா' புகழ் அருண்ராஜ் காமராஜ் பாடவில்லை இந்தப்பாடலை. இல்லன்னா ஒரே க்ளீஷேவா போயிருக்கும். கவனமாத்தவிர்த்து விட்டான் தம்பி :) யோகிபி - திரும்ப வந்திருக்கார். அவரோகணம் கீழிறங்கும் ஸ்ருதிகள் இல்லாத பாடல் போல இதுவும் ஒன்று. ஒவ்வொரு நிமிடத்துக்கும் இடைவெளியில் மீண்டும் மீண்டுமாக மேலேயே பயணித்துக்கொண்டிருக்கும் பாடல். இப்டி வெச்சுக்கலாம் , யுவன் சரோஜால 'நிமிர்ந்து நில்' அப்டீன்னு ஒரு பாட்டு போட்ருந்தார். இந்தப்பாடல் கூட சொல்லலாம் (யுவனின் இன்னொரு பாடலும் அதேபோல மேல் ஸ்ருதியிலேயே நின்றுகொண்டிருக்கும் 'இறகைப்போலே அலைகிறேனே' இங்க காதல் வீழ்ச்சியைக்கண்டு விடக்கூடாது என்பதற்காக வெறுமனே மேல் ஸ்ருதி மட்டுமே,,மேலேயே முன்னேறிச்செல்லவேணும் என்று ..ஹிஹி ) அப்புறம் 'நாடோடிகள்' படத்துல நம்ம சுந்தர் சி பாபு பாடகர் 'சங்கர் மஹாதேவனை'ப்பாட வைத்து 'சம்போ சிவசம்போ சிவசிவசம்போ'ன்னு ஒரு பாட்டு போட்டிருந்தார்


இவையெல்லாம் ஒரு வகையிலான பாடல்கள், எழுப்புதல் கூட்டம் போல..ஹிஹி.. புரட்சி வெடிக்கும், வென்றே தீருவோம் துவண்டு விடல் கூடாது என்று அறிவுரை சொல்லாது உணர்வில் வெளிக்காட்ட வைக்கும் அற்புதப்பாக்கள் :) வணிக நாயகனுக்கு தோல்வி இல்லை என்பது போல எப்போதும் மேலேயே சென்றுகொண்டு இருப்பார். ஆஹா! என்னே ஒரு சிந்தனை!


இங்கு முகப்பிசை 'டெய்லர் ஸ்விஃப்ட்டின் - Say you'll remember me’ பாடலை ஞாபகப் படுத்துகிறது. ஸ்விப்ட்டின் பாடலில் “Standing in a nice dress,Staring at the sunset, babe “ இந்த இரண்டு வரிகளைப்பிசைந்து எடுத்து வைத்துக் கொண்டது போன்ற முகப்பிசை. பின்னர் தொடரும் அந்த லலலலா ல்லலாஆவும் :) இந்த ஒல்லிப்பாச்சி ஸ்விஃப்ட் இப்ப புதுசா பாட்டு ஒண்ணும் ரிலீஸ் பண்ணலை. இப்போதெல்லாம் சின்னக்குட்டி நாத்தனார்கள் தான் கோலோச்சிக் கொண்டிருக்கின்றனர். ஏரியானா க்ராண்டி அப்புறம் செலீனா கோமெஸ் (ஆஹா..ஹ்ம்) போன்ற சிறு பெண்மணிகள் ..ஹிஹி.. :)

யோகி பி இப்பதான் பொல்லாதவன்ல ஒரு ரீமிக்ஸ் ஐயா எமெஸ்வி'யின் 'எங்கேயும் எப்போதும்'னு பாடீருந்தார். என்னவோ அதையே ஞாபகப் படுத்துகிறது , பாடல் அதற்கு அருகில் கூட இல்லாத போதிலும், அவர் குரலும் பாடும் விதமும் கூட ஒரு காரணமாக இருக்கலாம் . பாடலை இடையில் தம்பி அநிருத் தான் பாட்றான். இத்தனை முரட்டுக்குரலுக்குள் சிக்கி எலி போல எழும்புகிறது அவனின் குரல் . லல்லாலான்னு லல்லாபி பாட்றதெல்லாம் ராசைய்யா காலத்துலயே முடிஞ்சு போச்சே.. இப்ப திரும்ப தூசி தட்டி கொண்டு வந்துருக்கான் போல :) ஆனாலும் இந்த இடங்களில் இசை தெறிக்கிறது ட்ரெம்ஸும் முறுக்கேற்றும் எலெக்ட்ரிக் கிட்டாரின் பாஸுமாக. ஆஹா..! மேலும் 'சென்னை சிட்டி கேங்க்ஸ்ட்டா' பாட்டில் வரும் You ain’t got no goa beach You ain’t got no sharukh khan ,You ain’t got no India gate என்ற வரிகள் போன்று இங்கு 'முயன்றால் தான் சாத்தியம்' எனும் சில இடங்களில் தெரிவதும் குறை.

ஆனாலும் எவ்வளவு சொன்னாலும் நம்ம தர லோக்கலு 'ஆலுமா டொலுமா' மேரி இல்ல கண்ணு ! இந்த ராப்/ஹிப் ஹாப்பை எத்தன வாட்டி தான் கேக்றது ?! ஹ்ம்..! Gotta Getup ! #Surviva


Saturday, June 17, 2017

நாயினும் கடையேன்


இன்று பெங்களூரில் மதியம் மூன்று மணிக்கு தொடங்கிய மழை நிற்காது பெய்து கொண்டேயிருந்தது. நிகழ்ச்சி 0630க்கு எனினும் அத்தனை மழையில் ட்ராஃபிக் தொநதரவில் போய்ச்சேரவே 0635 ஆகிவிட்டது. உள்ளே நுழையும் போது மிகச்சரியாக புத்தக வெளியீடு தொடங்கிவிட்டது. பெங்களூர் இன்டர்நேஷனலில் நடைபெற்ற திரு தியோடர் பாஸ்கரனின் 'the book of indian dogs' நூல் வெளியீட்டு விழாவுக்கு சென்றிருந்தேன். ராமச்சந்திர குகா வெளியிட்டார். பிறகு தியொடர் அவர்களின் பேச்சு. நாய்களில் இத்தனை வகைகளா?..என்னென்னவொ பெயர் சொல்லி அவைகளின் குணநலன்களைப்பற்றி பேசிக்கொண்டிருந்தார்.

நிறைய சுவாரசியமான தகவல்கள். இந்தியாவில் போலீஸ் நாய்கள், ராணுவத்துக்கு பயன்படும் நாய்கள் அனைத்தும் வெளிநாட்டிலிருந்து தருவிக்கப்படுவதாக தெரிவித்தார். இன்டியன் ப்ரீட்ஸ்களை தயார்ப்படுத்துவதில்லை. எகிப்து மற்றும் மொகஞ்சதாரோ காலங்களின் வரலாற்று குறிப்புகளை எடுத்து படங்களுடன் காட்டினார். தமிழ்நாட்டில் நடுகற்கள் நாய்களைப்பற்றியும் குறிப்பிடுபவனாக இருப்பதையும் காண்பித்தார். நாய்க்கென கோவில் கட்டியிருப்பது,நாய்களை தம் பிள்ளைகள் போலப்பார்த்துக்கொள்வது என தொடர்ந்தும் பேசினார். வெள்ளைக்காரர்கள் எப்போதும் இன்டியன் ப்ரீட்ஸ் ஒரிஜினல்ஸ் என அழைக்கத் தவறுவதில்லை

பழங்காலத்திலேயே நாய்களை வளர்ப்பு மிருகங்களாக வீட்டில் வைத்து பாதுகாக்கும் முறை இருந்து வந்தது. அவற்றின் கழுத்தில் பட்டி இட்டு பெட் டாக்ஸ்- களாக அவற்றை வளர்த்ததும் தெரிய வருகிறது. இந்தியாவில் அவை இன்னமும் வேட்டையாடவும், பாதுகாப்புக்கெனவுமே அதிக அளவில் பயன்படுகிறது.


நமக்குத்தெரிந்ததெல்லாம் தெரு நாய்கள் தான். இரவில் நடக்கமுடியாதபடி ஊரையே ஆண்டுகொண்டிருப்பவை. கிரீஷ் கர்னாட் வந்திருந்தார். அமைதியாக அமர்ந்து நிகழ்வுகளை கவனித்துக்கொண்டிருந்தார். ராமச்சந்திர குகா தமிழராம்.( எனக்கு இப்பத்தான் தெரியும்) பரபரவென இருக்கிறார், ஒரு இடத்தில் நிலை கொள்ளாது :) புத்தகத்தில் இருந்து குறிப்புகள் எடுத்துக்காட்டி பேசினார். வீரப்பனைப்போல வடநாட்டில் ஒரு கொள்ளையன் இருந்ததாகவும் அவனது அடியாட்களை அவன் வளர்த்து வந்த நாய்களே பிடித்துக்கொடுத்ததாகவும் ஜிம் கார்பெட் புத்தகத்தில் இருக்கிறது, (இந்த சாட்சிகளை எங்கனம் ஒத்துக்கொள்ளாதிருப்பது என அடியாட்கள் சரணடைந்ததாகவும்.)

கொள்ளையனைப் பிடித்தாகிவிட்டது . அவனின் அடியாட்கள் தப்பித்து ஓடும்போது போலீஸ் சுட்டதில் ஒருவனுக்கு மூக்கை அறுத்துக்கொண்டு போயிற்று. இந்த இருவரும் வெளியூர் தப்பிச்செல்ல ரயில்வே ஸ்டேஷ்னில் காத்திருந்த போது அங்கு தேடுதல் வேட்டைக்கு மாறு வேடத்தில் வந்த கமிஷ்னர் , வாருங்கள் ரயில் வர இன்னமும் நேரமிருக்கிறது என்றழைத்துக்கொண்டு அவர்களை வீட்டுக்கு கூட்டிச்சென்றார் அங்கு அந்த கொள்ளைக்காரனின் நாய் இருந்தது இவர்களை பார்த்ததும் பழக்க தோஷத்தில் வாலாட்டிக்கொண்டு கால்களை நக்க ஆரம்பித்திருக்கிறது. இதற்கெனவே காத்திருந்த அதிகாரி அவர்களைக்கைது செய்தார்.
 
மேலும் கொள்ளைக்காரனை தூக்கிலிடும்போது கடைசி ஆசையாக தமது வளர்ப்பு நாயை யாரேனும் வளர்க்க வேணும் என்று கேட்டுகொண்டான் என்ற சுவாரசியமான தகவல்கள் பகிர்ந்து கொண்டார். வீரப்பன் நாயேதும் வளர்த்தானா என்றவரிடம் , அப்படி வளர்த்திருந்தால் சீக்கிரம் பிடிபட்டிருப்பான் என்றார் பாஸ்கரன்.


 
புத்தகத்தில் இருந்து சில துளிகள். திருவாசகத்தில் மாணிக்கவாசகர் , பல இடங்களில் 'நாயினும் கடையேன்' என்ற பதத்தை பயன்படுத்தியிருக்கிறார். நாய்களையும் , பசு மாடுகள் இன்னபிற வளர்ப்பு மிருகங்களை வீட்டினுள் வைத்து வளர்ப்பது தமிழரின் வழக்கம். இது தெரியாது ஜல்லிக்கட்டுக்கு தடை என அறிவிலித்தனமான விஷயங்களை எதிர்க்க தமிழ்நாடே போராட வேண்டியிருந்தது.

நிறைய ஆதாரங்களைக்காட்டி பேசினார் பாஸ்கரன். தெருவில் தனியே சுற்றிக் கொண்டிருப்பவைகளிலும் வகைகள் உள்ளன. சென்னையில் ஒரு முறை தெருநாய்களை சுட்டுத்தள்ளவேண்டும் என அரசு முடிவெடுத்தபோது அதை எதிர்த்து அனிமல் ரைட்ஸ் குழுவினர் போராட்டம் நடத்தினர், அங்கு வந்த அப்போதைய கமிஷ்னர் இதில் எத்தனை பேர் அந்த தெரு நாய்களை தத்தெடுக்கத்தயார் எனக்கேட்ட போது நான்கே பேர் கை தூக்கினர். பின்னர் கூட்டம் முடியும்போது அவர்களும் காணாது போயினர் என்ற போது அரங்கில் சிரிப்பலை. தெரு நாய்கள் என்ற பதத்தை அவர் பயன்படுத்தவேயில்லை. யாரும் சொந்தம் கொண்டாடாத நாய்கள் என்றே கூறுகிறார். (Owner less Dogs) 

மேலும் நாய்களுக்கு 'ரேபிஸ்' வராது தடுக்க ஆண்டுதோறும் ஊசி போட வேண்டிய கட்டாயம் இருக்கிறது . அது ஒரு முறையில் சரியாகும் விடயமில்லை. ஒவ்வொரு ஆண்டும் ஊசி போடவேண்டும், அப்போது தான் தடுக்க இயலும்,எந்த அரசு செய்கிறது தெரு நாய்களின் கூட்டத்தை தடுக்க கருத்தடை செய்யலாம் என்ற யோசனையும் சரிவர நடைமுறைப்படுத்தப்படவில்லை. ஆஸ்திரேலியாவில் ஆடுகளை வேட்டையாடும் நாய்களைச்சுட ஹெலிகாப்டர்களில் செல்வார்கள் என்றார். அங்குள்ள கிராமத்தினர் அவை வேட்டை தான் ஆடுகின்றன. ஆடுகளைப்புணர அல்ல. அதனால் அவற்றை கொல்லுவது பாவம் என்று தடுத்துவிட்டனர்.


 
ராமச்சந்திர குகா பேசுகையில் தமிழனாக இருந்த போதும் இதுவரை தமிழில் எழுதவில்லை. எனக்கு தமிழ் எழுத வராது என்றவர், பாஸ்கரனை நோக்கி இவர் இருமொழியில் எழுதும் வல்லவர். இவரும் ஒரு ரேர் ப்ரீட் என்றார் :)

பாஸ்கரன் வேலை பார்த்தது போஸ்ட் ஆபீஸ் ஜெனரலாக. அவர் இருந்தவரையில் ரேர் ப்ரீட்ஸ் நாய்களின் தபால் தலைகள் கொண்டு வர பகீரத முயற்சி எடுத்தும் அரசு செவி சாய்க்கவில்லை. அவர் ஒய்வு பெற்றதும் பின்னர் கமிட்டியில் உள்ளவர்களின் சிபாரிசின் பேரில் அவை தற்போது கொண்டு வந்திருப்பதாக தெரிவித்தார். சில தபால் தலைகளின் புகைப்படங்களை காட்டினார்.


பின்னர் பேச்சைக்கேட்க வந்தவர்களின் கேள்விகளுக்கு பதிலளித்தார். வெளிநாட்டில் இருந்து 'ஹஸ்கி' நாய்கள் வாங்கி வந்திருப்பதாகவும் அவை இங்கு நிலைக்குமா என்ற கேள்விக்கு அவை எப்போதும் தம்மை இருக்கும் இடத்திற்கேற்ப மாற்றிக்கொள்ளும் திறனுள்ளவை என்றவர், லடாக் பகுதியில் உள்ள நாய்களை வளர்க்கவென இங்கு கொணர்ந்தபோது சென்னை மெரீனாவில் அத்தனை வெய்யிலில் தம்போக்கில் விளையாடிக்கொண்டு இருந்தன என்றார். இந்திய நாய்களை ஏன் உள்ளூர் காவல்/ராணுவப்பயன்பாட்டுக்கு ஏற்றுக்கொள்வதில்லை என்ற கேள்விக்கு அவற்றுக்கு பயிற்சி கொடுக்க யாரும் முன்வருவதில்லை. அலட்சியமும் ஒரு காரணம். 1972ல் ஒரு வழக்கில் உள்ளூர் கோம்பை வகை நாயை சாட்சியாக கொண்டு வந்து நிறுத்திய போது 'நாட்டு நாயெல்லாம் சாட்சி சொல்லவந்துருச்சா' என்று நீதிபதி கேலி பேசியதாக ஒரு செய்தி இருக்கிறது என்றார்.



.

Sunday, June 11, 2017

Its complicated’


கேமிலா கேபெலொ' இவங்க 'ஃபிஃப்த் ஹார்மனி' ட்ரூப்ல ரொம்ப ஆக்டிவா இருந்தாங்கோ :) அப்பால வழக்கம்போல உள்ளுக்குள்ள பூசல் வந்து வெளீலே வந்துட்டாங்க. எனக்கு தீனி போட்றா மாதிரி எந்த வாய்ப்பும் இல்லை கேர்ள் பேண்ட்ல(girl band), அதான் தனிப்பாடல் திரட்டு போட்றேன்னு வெளீல வந்துட்டா. கூட்டத்தோட கோயிந்தா போட்றது யாருக்குத்தான் புடிக்கும் ?!...ஹ்ம்….இந்தப்பாட்டு ராப்'பும் கொஞ்சம் பாப்'பும் சேர்ந்த கலவை. Its complicated’ அப்டீன்னு சொல்றப்போ என்னா குழைவு அவா வாய்ஸ்ல. ஹ்ம்..அனுபவிக்கணூங்ணா. மஷின் கன் கெல்லி ராப்' பாட்றார். கொஞ்சம் ஹிப் ஹாப்' இருந்தாலும் கறுப்பினப் பாடகர்கள் போல அத்தனை அட்சர சுத்தம் இந்த வெள்ளைபயலுஹ கிட்ட இருக்கிறதில்ல. அப்பப்ப அந்தாதி' யும் பாடுவார் , கேமிலா முடிக்கும் வார்த்தையை வேறு ஒலியில்/வேற மாதிரி சொல்லிப்பாடுவார். அருமை.. !

எவ்வளவுதான் இருந்தாலும் 03:02 லயும் 03:04லயும் அந்த ஹஹ்ஹா ஹெஹ்ஹ்ஹே' மட்டும் இல்லாம இருந்தால் பாட்டு எங்கயோ போயிருக்கும். இந்த மாதிரி பாமரத்தனமான செய்கைகளாலதான் பாட்டு நாசமாவது. எல்லாருக்கும் அனுபவம் வர்ற வரைக்கும் இம்மாதிரி தப்பெல்லாம் பண்ணிண்டு தானிருப்பா :) தம்பி அனிருத் இதே மாதிரி தான் அப்பப்ப பண்ணிவெப்பான்.ஹிஹி.. 'நீயும் நானும் சேர்ந்தே செல்லும் நேரமே' பாட்டுல அத்தனை அருமையான மெலடீல இடைல புகுந்து பாமரத்தனமா 'கத்தாள முள்ளா முள்ளா'ன்னு கிராமிய வரிகளை கொஞ்சமும் இந்தப்பாடலின் அலைவரிசைக்குப் பொருந்தாததை வைத்து ..ஹ்ம்.. என்ன சொல்றது.! அதுக்குத்தான் எக்ஸ்பீரியன்ஸ் வேணூங்கறது :)



____________________________________________________________________________

Sweet Escape


எத்தனையோ காதல் பாடல்கள்..ஹ்ம்.. இந்த வீடியோ சீக்வென்ஸ் பிரமாதம். ட்ராஃபிக் லைட்ஸ்லருந்து சிவப்பு மனிதனும் , பச்சை மனுஷியும் காதலைக்கொண்டாட என்னவெல்லாமோ செய்கிறார்கள். :) பச்சையும் சிவப்பும் எதிர் துருவங்கள்..என்னா ஒரு குறியீடு’'ங்ணா ;) சாலையில் கிடத்தி வைத்திருக்கும் சைக்கிளை உரித்தெடுத்து பயணிக்கின்றனர். அட அடா! 'நத்திங் கேன் ஸ்டாப் அஸ் நவ்' காதலைச்சொல்லும் வழி ட்ராஃபிக் சிக்னல்ஸ் ;)

சைக்கிள் மிதித்து களைத்துப்போகும் போது , சிக்னலில் இருக்கும் பைக், பின்னர் கார் சிம்பல் என ஒவ்வொன்றாக எடுத்து பயணிக்கின்றனர். ஆஹா! மேன் ஹோலைத்திறந்து அனைவரும் பார்ட்டி கொண்டாடுகின்றனர். குதிரைகள், நாய்கள் அனைத்துமென ஒவ்வொன்றாக சிம்பல்களிலிருந்து இறங்கி வந்து ..!!அட.. பாடல் முடிந்ததும் அவரவர் இடத்தில் சிக்னல் பலகைகளில் சென்று அமர்ந்துவிடுகின்றனர்.! #'ஸ்வீட் எஸ்கேப்'

Sunday, May 21, 2017

மஞ்சள் பூசும் வானம்






Twenty One Pilots , Stressed Out பாட்டு கேளுங்களேன். நல்ல ராப், அருமையான பீட். எல்லோரும் ராப் போட்றாங்கள். இருந்தாலும் , ஈஸியானது, அவ்வளவு யோசிக்கல்லாம் வேணாம். யார் வேணாலும் பாடலாம்ங்கற மாதிரி இந்த ராப்'பை மாத்திட்டாங்கள்/ எவ்வளவுதான் சொன்னாலும் , திரும்பத்திரும்ப வரும் பீட்(தாளம்) , வேற எதையுமே யோசிக்கவிடாத , நினைக்கவிடாத வரிகள் , ஒரு கட்டத்தில் சலிப்பூட்டத்தான் செய்யும். இருந்தாலும் சில பாட்டுகள் ராப்பின் அடிப்படையில் வைத்துக்கொண்டு , பிற இசைக் கோவைகளையும் சேர்த்து , ராப் வெளித்தெரியாமல் பார்த்துக் கொள்ளும் போது கேட்கத்தூண்டும். அப்படியான ஒரு வகையில் இந்தப்பாடல்.

ராப் கேட்கலாம். முன்னால நம்ம ஊருல 'அப்பாச்சி இண்டியன்'னு ஒரு ஆளு கடிச்சுகொதறிக்கிட்டிருந்தாரு. அதையும் கேட்டுக்கிட்டு தானிருந்தோம். இசை என்றால் ஏற்கனவே இருக்கும் ராகங்களை கொஞ்சம் கற்பனை கலந்து மெருகேற்றி பழைய வாசனை தெரியாது கொடுப்பது. மறுமாற்றம் மட்டுமே. எனக்கு இந்த ஸ்டைலுன்னு சொல்லிட்டு ப்ளாக்யரைஸ்டாவே தமது பாடல்களிலிருந்தே வெளிவரவே இயலாத ஆசாமிகளும் உண்டு. ஹாரிஸு அப்டித்தான். எமினெம் ராப்பில் நிறையச்செய்திருந்தார். ரஹ்மான் போட்ட பேட்டை ராப், இப்ப கெளதம் மேனன் படத்துக்குன்னு காவடிச்சிந்தில்,அருணகிரி நாதரை திரும்பக்கொணர்ந்தார்.
 
இந்த 'ஸ்ட்ரெஸ்ஸ்ட் அவுட்' பாடலில் இந்த வரிகள் வரும்போது பாருங்க அந்தத்தாளம் தான். அள்ளிக்கொண்டு போகும். பின்னர் தொடரும் அந்த குட்டைக்குரல் மவனே இது ராப்பைத்தவிர வேறேதும் இல்லடேன்னு பறைசாற்றும். கிராமிக்கூட நாமினேஷன் ஆனது இந்தப்பாடல்.

Wish we could turn back time, to the good ol’ days,
When our momma sang us to sleep but now we’re stressed out.

இந்த வரிகளில் வரும் தாளம் , நம்ம படத்துல ஒரு பாட்டு இருக்கு, ‘மஞ்சள் பூசும் வானம் தொட்டுப் பார்த்தேன்'னு ராசைய்யா இசைத்த 'ப்ரென்ட்ஸ்' படத்தில் வரும் பாடல். இந்த மெல்லுடலி பாடலை யாராவது ராப்'புன்னு சொல்ல முடியுமா?..ஹ்ம். அதான். அதான் சொல்றேன் தெரியாம மாத்திரை கொடுக்கணும், என்ன உள்ள போகுதுன்னே தெரியக்கூடாது. உடனே ராசைய்யாவைப் பாத்து இந்தப்பயலுஹ காப்பி அடிச்சிட்டானுஹன்னு சொல்லப்பிடாது. இது ராப் பீட் . அதையே எடுத்து ஒரு நல்ல மெலடிக்கும் கூடப்பயன்படுத்த இயலும்னு காமிச்சது அப்டீன்னு வெச்சுக்கலாம். துள்ளலிசைதான் , செருப்பிடாத அம்மணக் கால்களுடன் எரிந்து இன்னமும் அடங்காத சிறிய சிகரெட் துண்டை தவறாக மிதித்துவிட்டாற்போல ஒரு துள்ளலை ஏற்படுத்தும் பாடல் மற்றும் பீட் ;)

ஜப்பான்காரன் தயாரித்த அத்தனை சிந்த்'திலும் இந்த பீட் டீஃபால்ட்டாக கிடைப்பது தான். இதைப்பின்னணியில் இசைக்க விட்டுப்பாடிக் கொண்டிருக்கலாம். ஒன்றும் பிரமாதமில்லை. எங்க எதைப்பயன்படுத்த வேணும் என்பதில் இருக்கிறது இசை. அட! ஆமால்ல. :) 




.

Sunday, May 14, 2017

வடக்கின் வசந்தம் (El Norte)


டெரி' அமைப்பு பெங்களுர் தொம்லூரில் 'எல் நார்ட்டி' El Norte என்ற திரைப்படம் திரையிட்டனர். மாயன் பழங்குடியினர் அண்ணனும் தங்கையுமாக பிழைக்க வழியின்றி வட அமேரிக்காவுக்கு சட்ட விரோதமாக பயணம் செய்வது பின்னர் அங்கேயும் வாழ இயலாது பல இன்னல்களுக்கு உள்ளாவது என்ற பிரச்னையைப்பற்றியது. கிட்டத்தட்ட இரண்டு மணி நேரம் படம். போய்ச்சேருவதற்கு நேரமாகிவிட்டது. அத்தனை ட்ராஃபிக்கில் சிக்கி சென்று அரங்கு நுழைந்து இருக்கை தேடி அமர்வது என்பதை படத்துடன் ஒப்பிட்டுப்பார்த்துக்கொண்டேன். கிட்டத்தட்ட தமிழினத்திற்கும் இது போன்றே இன்னல்களும் இடர்ப்பாடுகளும் இருக்கத்தான் செய்கிறது.

குவாட்டமாலயிலிருந்து வட அமெரிக்கா நோக்கி பயணிப்பது அதுவும் சட்டவிரோதமாக என்பது தற்கொலைக்கு சமம். கண்டவுடன் சுட்டுவிடுவர் இல்லையேல் தலையைக்கொய்து விடுவர். மெக்ஸிகோ'விலிருந்தும் இது போன்ற சட்டவிரோத நகர்வுகள் சகஜம் என்பதால் பெரிய சுவர் எழுப்பியிருக்கிறார்கள் . ட்ரம்ப் கூட அதைப்பற்றி கேலியாக ஒரு ட்வீட் போட்டிருந்தார்.

இப்படி பயணிப்பவரை அமெரிக்க எல்லை வரை கொண்டு சேர்ப்பதற்கு கயோட்டிகள் என்றழைக்கப்படும் உள்ளூர் கடத்தல்காரர்கள் உதவுகின்றனர். தலைக்கு 100/200 அமெரிக்க டாலர்கள் வசூல் செய்துகொண்டு (அதுவும் உத்திரவாதமில்லை!) அடுத்த கரை வரை கொண்டு சேர்த்தவுடன் அவர்களின் பணி முடிந்துவிடும், பிறகு சென்றவர்கள் பாடு, வசிப்பதும் மடிவதுமென.

பயணம் என்பது அடர்த்தியான காட்டு மிருகங்கள் வசிக்கும் காட்டின் ஊடே. வழிப்பறி கொள்ளைகளும் , சகஜமான கொலைகளும் வழக்கமாக நடக்கக்கூடியவை. யாரும் கேள்வி கேட்பார் இல்லை. ஹெலிகாப்டரில் வளைத்து வளைத்து ரோந்துப்பணிகள் அமெரிக்க ராணுவம் தொடர்ந்து கொண்டிருக்கும். சந்தேகத்துக்குரிய வகையில் யாரும் சென்றால் கைது/கொலை.



இந்த என்ரிக்கே/ரோஸா இருவரும் தெரிந்த ஒருவரின் பெயர் சொல்லிக்கொண்டு இக்கரை வரை வந்து சேர்ந்துவிடுகின்றனர். ஆனால் அவரைத்தேடிப்பிடிப்பது என்பது படாத பாடு. அதற்குள்ளாக இவர்களின் அமெச்சூர்த்தனமான முகம் கண்டு ஏமாற்ற நினைக்கும் கயவர்கள். பின்னிலும் அதிலொருவன் நைச்சியமாகப்பேசி இரவில் காடு வழி கொண்டு சேர்க்கிறேன் எனச்சொல்லி பணத்தைக்கையாட எண்ணுகிறான். அவனை அடித்து மீண்டு வருவதற்குள் இருவருக்கும் போதும் போதுமென்றாகிவிடுகிறது.( சில ஆப்பிரிக்க நாடுகளிலிருந்து சில சட்ட விரோதப்பயணிகள் விமானத்தின் டயரில் அமர்ந்துகொண்டு பயணிப்பதாக செய்திகள் வந்திருந்தன )

ஒரு வழியாக அந்த தெரிந்த நண்பரை ஒரு சிறிய ஓட்டலில் சந்திக்கிறான். தொடர்ந்த கெஞ்சல்களுக்குப்பின் வட அமெரிக்காவிற்கு அவர்களை கொண்டு செல்ல சம்மதிக்கிறான். இருப்பினும் காட்டு வழியல்ல. சில பயன்படுத்தாத/புழக்கத்தில் இல்லாத பழைய டனல்கள் (குழாய்கள்) வழியாக. பாதுகாப்பானது, யாராலும் சந்தேகிக்க இயலாது என்றெல்லாம் கூறி தலைக்கு 100 டாலர் வாங்கிக்கொண்டு அனுப்பி வைக்கிறான். மூக்கில் கர்ச்சீஃப் கட்டிக்கொள்ள கூறி கிட்டத்தட்ட பல கிலோமீட்டர்கள் இருக்கும் அந்த காட்டை குழாய்கள் வழி கடக்கச் சொல்கிறான். வேறு வழியின்றி அவர்களும் செல்ல ஒத்துக்கொள்கின்றனர். அடுத்த பக்கம் வெளியே நீங்கள் வரும்போது அங்கே நான் உங்களுக்காக காத்து நிற்பேன் என்கிறான்.

உள்ளே நுழைந்தால் ஒரே கும்மிருட்டு, வழியே தெரியவில்லை. கையிலிருக்கும் டாச்சை அடிக்கிறான் என்ரிக்கே. அத்தனை குப்பை கூளம், பூனைகள் இறந்து கிடக்கின்றன. பெயர் தெரியாத பூச்சிகள் ஊர்ந்து செல்கின்றன. பார்த்துக்கொண்டு இருக்கும் எனக்கே ஒரு மாதிரி ஆகிவிட்டது. அந்த வழி சென்றே ஆகவேண்டியிருக்கிறது.



கொடிய பயணம். யாருக்கும் வாய்க்கக்கூடாதது/.கொஞ்ச நாட்கள் முன்னால் கருட புராணம் வாசித்துக்கொண்டிருந்தேன் ( சும்மாதான் வாட்ஸப்பில் கிடைத்த பிடிஎப்ஃ) இறந்த உயிர் பயணிப்பது பல லட்சம் காதம் என்றும் , பாதை அத்தனை கொடிது எனவும், அதுவும் அவரவர் செய்த பஞ்சமாபாதகங்களுக்கு ஏற்றாற்போல் அத்தனை சித்திரவதைகளும் பயணத்தில் கிடைக்குமெனவும் குறிப்பிடப்பட்டிருந்தது. அதுபோன்ற நரகம் நோக்கிய பயணம் அவர்களுக்கு. மூச்சு விட வழியில்லை. பல கிலோமீட்டர்கள் முட்டி போட்டுக்கொண்டு கைகளை ஊன்றி தவழ்ந்தே செல்லவேண்டிய துயரம்.

வழியில் இடையில் எங்கிருந்தோ வரும் கூட்டமான எலிகள் கடித்துக்குதறத்தொடங்குகின்றன இந்த இருவரையும். தப்பிக்க வழியில்லை, திரும்பிப்போவது என்பது இயலாத காரியம். கைகளை உயர்த்தியோ இல்லை உடலை வளைத்தோ எலிகளைத்தவிர்ப்பது என்பதெல்லாம் செய்யவே இயலாது. கொடுமை என்றால் அப்படி ஒரு கொடுமை. கிட்டத்தட்ட பத்துப்பதினைந்து நிமிடங்கள் தொடரும் அவலம். ஒரு வழியாக கைகளைக்கொண்டு அடித்தும் நசுக்கியும் பல எலிகளைக்கொன்று போட்டு விட்டு அந்த இடத்தை விட்டு நகர்கின்றனர். எப்போதடா இங்கிருந்து விலகிச்செல்வர் என பார்ப்போர் மனதை கரைக்கிறது.

ஒருவழியாக குழாய்களின் முடிவு தெரிகிறது, வெளிச்சம். குழாயின் தொடுவாய் சென்றடையும் போது அமெரிக்க ராணுவத்தின் ஹெலிகாப்டர் ஒளி வெள்ளம் பாய்ச்சுகிறது , இவர்கள் வெளிவரும் குழாயின் முகத்துவாரத்தில் .விக்கித்து உள்ளுக்குள்ளேயே பதுங்கிக் கொள்கின்றனர். இந்த அவலம் சிறிது நேரம். ஒரு வழியாக ஹெலி சென்றதும் குழாயின் வெளியே வந்து அமர்கின்றனர். சொன்னது போல அந்த கயோட்டி' அங்கே நிற்கிறான்



மீண்டு வந்தவர்களை ஒரு ஏஜண்ட்டிடம் ஒப்படைக்கிறான். அந்த ஏஜண்ட் இதுபோன்ற சட்டவிரோத பயணிகளை வைத்து பிழைப்பு நடத்துபவன். அதற்கும் காசு வாங்கிக்கொண்டு தான். உள்ளூர் ஓட்டல்களில், துணி தைக்கும் நிறுவனங்களில், கட்டிட வேலைகளுக்கு என இவர்களை வைத்துக்கொண்டு சீப் லேபர்களை சப்ளை செய்கிறான். எந்த நேரமும் அமேரிக்க குடியுரிமை இந்த நிறுவனங்களுக்கு ரெய்ட் வருவது என்பது சகஜம், அங்கனம் வரும்போது பிடிபடுபவர்களுக்கு கடுமையாக தண்டனை , நாடு கடத்துதல் இன்னும் என்னென்னவோ தண்டனைகள். (பங்களாதேஷ் மக்கள் இப்படித்தான் இந்தியாவெங்கும் பரவிக்கிடக்கின்றனர். பாம்பேயில் பால் தாக்கரே ஆட்சி வந்ததும் அத்தனை பேரையும் வலுக்கட்டாயமாக வெளியேற்றினார்.)

எங்கு சென்றாலும் நிம்மதியின்மை. குடியுரிமை இல்லாது ஒரு மருத்துவமனைக்கோ இல்லை பொது இடங்களுக்கோ செல்வது என்பது இயலாத காரியம் . வேலை முடிந்து விட்டால் அந்த ஒரு அறைக்கு வந்தே ஆக வேண்டிய கட்டாயம். இருப்பினும் உள்ளூர் அமெரிக்கர்களை விட ஏகத்துக்கும் குறைவான சம்பளமே. வேலைக்கு சேர்க்கும் முதலாளிகளும் இதையெல்லாம் சட்டை செய்வதில்லை. அவர்களுக்கு தேவையானதெல்லாம் சீப் லேபர்ஸ்.! யார் வந்து பிடித்துக்கொண்டு போனால் என்னவென விட்டுவிடுவார்கள். ஏனெனில் இப்படி நாளொன்றுக்கு வருபவர்கள் ஆயிரக்கணக்கில். அப்படி அரசாங்கம் பிடித்துக்கொண்டு போனவர்களின் குழந்தைகளை அநாதை விடுதிகளுக்கு விற்றுவிடுவான் இந்த ஏஜண்ட். அதுமட்டுமின்றி கூட வேலை பார்ப்பவர்களுக்கும் இந்த விவரம் தெரிந்து போலீஸுக்கு தகவல் சொல்லி பிடித்துக்கொடுத்து பணம் சம்பாதிப்பர் சிலர்.



சொல்லொணாத்துயரம். சொந்த நாட்டை விட்டு பஞ்சம் பிழைக்க/ உயிர் பிழைக்க வெளிநாடுகளுக்கு சட்டவிரோதமாக செல்வது என்பதெல்லாம் அனுபவித்துப்பார்ப்பவர்க்கு தெரியும் . இந்தப்படம் எண்பதுகளில் வெளிவந்திருக்கிறது. இதே அரங்கில் வரிசையாக உள்ளூர் இஸ்ரேலிய தூதரகம் அவர்கள் நாட்டு திரைப்படங்களை திரையிட்டனர் பார்க்கும் வாய்ப்பு கிடைத்தது எனக்கு, அது போல இந்தப்படமும். ஆஸ்கர் நாமினேஷன் ஆகியிருக்கிறது இரண்டொரு விருதுகளையும் வென்றிருக்கிறது.


சம்பாதிப்பதுஅங்கேயே செலவாகிவிடுகிறது , சேமிக்க ஏதும் இல்லை. மீண்டும் மீண்டும் நிலையற்ற தன்மை.சலிப்பு மேலிடுகிறது இருவருக்கும். இடையில் ரோசா வேலை செய்துகொண்டிருக்கும்போது மயங்கி விழுகிறாள். என்ரிக்கே'விற்கு சிக்காகோ செல்ல ஒரு பெருமாட்டியின் மூலம் வாய்ப்பு கிடைக்கிறது. க்ரீன் கார்ட் வாங்கித்தரவும் சம்மதிக்கிறாள். சிக்காகோ செல்ல ஆயத்தமாகிவிட்ட நிலையில் ரோசா'வின் மரணம் என்று வாழ்க்கையில் மீண்டும் ஒரு சுழற்சியில் சிக்கிக்கொள்கிறான் என்ரிக்கே.

யூட்யூபில் வாய்ப்பு கிடைத்தால் பாருங்கள்.முழுதும் பார்க்க இயலாமலேயே போகும். அத்தனையும் துயரம்.




.

Sunday, May 7, 2017

தேவசேனா..


தேவசேனா..ஹ்ம்..சரி சரி மலர் டீச்சர் மாதிரி .ஹிஹி. அவ்வளவு அழகு.பேசாம அவரையே சிவகாமி ராணியா அறிவிச்சிருந்தா இன்னும் நல்லாருந்திருக்கும். வழக்கம் போல மேல் ஷாவனிஸக்கத தானேங்ணா.. அவ்வளவ் பெரிய லிங்கம்லாம் வெச்சிகினு சக்திய எப்டி ராணியாக்கறது ? அதுவும் சர்தான். இவ்வளவு பெரிய ராணி சிவகாமி சூழ்ச்சி கூடவா தெரியாம இருப்பார்? சகுனியின் சூழ்ச்சியில் சிக்கி தவறான முடிவுகளை எடுத்து தத்தளிக்கிறார். அந்தப்பாவத்துக்குத்தான் கைகளை உயர்த்திப்பிடித்து பாகுபலியைக்காப்பாற்றி தன்னை மாய்க்கிறார். இளையவனுக்கு மணமகள் , மூத்தவனுக்கு மணிமகுடம் என்று ஸ்ப்பிளிட் செகண்ட்ஸ்ல முடிவெடுக்கும் சிவகாமி. ஆஹா.. இப்டில்லாம் இப்ப யாராவது இருக்காங்களா? அடுத்த தேர்தல் வரைக்கும் கொஞ்சம் அடை காப்போம்னு காத்துக்கெடக்கற ஆட்கள் தானே குமிஞ்சி கெடக்காங்ய :) 


விஎஃப்எக்ஸ், சிஜி, எல்லாம் இப்ப தண்ணி பட்ட பாடாப்போச்சு. இங்க ஒரு மாயான்னு ஒரு இன்ஸ்ட்டிட்யூட் எல்லாம் இந்த நகாசு வேலே பண்றவா தான். அதுல விளம்பரத்துல இந்தப்படத்துல வேலே பாத்தவா எல்லாப்பேரும் இங்க தான் படிச்சிருக்கான்னு போட்ருந்தான்..ஹிஹி.. வீடியோ கேம்ஸ் நிறைய வருது இதை விடவும் மிரட்டலா. அதனால இந்த சிஜின்னா இதுக்கு மேலே யாராவது எதாவது செஞ்சு காட்ட மாட்டாளோன்னு மனசு கெடந்து அடிச்சிக்கிது. ஸ்டார் ட்ரெக் காலங்களிலிருந்து , ப்ரிடேட்டர், ஏலியன்ஸ், பொம்ப்பி, க்ளாடியேட்டர், இடையில சிப்மங்க்ஸ் கூட மனிதர்களை இணைத்துன்னு எக்கச்சக்கமா ஆயிட்டதால ஒண்ணும் பிரமாதமில்லை இங்கு.



மிரட்டல் காட்சி என்றால் பல்லா'வுக்கு மகுடம் சூட்டும் காட்சி தான். எல்லாம் முடிந்து பாகுபலி படைத்தளபதி எனப்பேர் சொன்னதும், ஒவ்வொரு குழுவாக ஆர்ப்பரிப்பதும், யானைப்படை காலாட்படை, என ஒவ்வொன்றாக அதிரவைக்கும் கோஷங்கள். அரியணை வரை அதிருகிறது. தேவசேனையின் இருக்கை அதிர்ந்து மெல்ல இடம் மாறுகிறது. மன்னவனின் இருக்கையில் அரிமா வரை அதிர்கிறது. சிவகாமி வெளிக்காட்டாமல் திரும்பி பாகுபலியைப் பார்க்கிறாள். கொற்றம் கொடி கும்பம் சாய்கிறது..படிகளில் தவறி விழுந்து சிந்திச்சிதறி அடடா அது தாண்டா பிரம்மாண்டம். கடைசிக்கு பாகுபலி போய்த்தான் கொற்றக்குடையை விழாமல் பிடித்துப் பாதுகாக்க வேண்டியிருக்கிறது . பின்னர் நடக்கப்போவதை அப்படியே சொல்லியிருக்கிறார் அந்தப்பத்து நிமிடங்கள்ல…. ..அதாண்டா ராஸ்மவுலி...வாழ்த்துகள்ங்ணாஆ….!

ஆமா ஏன் நேரடியாதமிழ்ல கொடுக்கவில்லை, பல இடங்கள்ல லிப் ஸிங்க் ஆகாம கொல்ட்டி டப்பிங் பாத்தாமேரி ஒரு ஃபீலிங்கி. அந்தக்காலத்துல நரசிம்ம ராஜூன்னு ஒரு நடிகர் நடித்து ஜெயமாலினில்லாம் பேயா வரும் படங்கள் மாதிரியே பல இடங்கள்ல எனக்கு தோணியது. இப்ப அந்தப்படங்கள்லாம் 'முரசு'ல போட்டுத்தள்றான். சின்னப்பிள்ளைகள்ல பார்த்தது, திரும்ப ஞாபகப்படுத்துறார் ராஸ்மௌலி..ஹ்ம்.. ..!

பாகுபலி அவந்திகா காதலைவிட , பாகுபலி தேவசேனா காதலைச்சொன்னவிதம் லயிக்கும்படி இல்லை. போர்த்திறமும், மதிநுட்பமும், காதலாகுமா ?..ஹ்ம்.. படைத்தளபதியை தேர்ந்தெடுக்கிறார் என்றால் சரி. ..இது காதலய்யா காதல். ஹ்ம்.. வேஸ்ட். எப்பவும் வில்லும் அம்புமா அலையிற பொண்ணை எப்படியப்பா மயக்குவது என்று விட்டால் பாகுபலி நம்மிடமே கேட்பார் போலிருக்கிறது :) அவர் தோள் மீதேறி இருமருங்குமாக நடந்து சென்று படகில் ஏறும் காட்சி மட்டும் கொஞ்சம் லவ்ஸ்ங்ணா.. அந்தப்படகு ஒரு சர்ரியலிஸப்படம் ஒன்றை நினைவு படுத்தத்தவறவில்லை. கடல், பாலம், மற்றும் சிறுகச்சிறுக பாலங்கள் ஒன்று கூடி பாய்மரப் படகுகள் போல காட்சி தரும். அது மாதிரி இறக்கைகள் எல்லாம் பாய்மரங்கள், இருபுறமும் பறந்து விரிந்து அடங்கும் துடுப்புகள் எல்லாம் கால்கள் , முகமோ ஒரு அன்னப்பட்சி, அதன் திறந்த கழுத்தில் தலைவனும் தலைவியும்……...அடடா , சாபு சிரில்ணே அசத்திட்டீங்கோ :)



எல்லாம் சரி, ப்ராபாஸின் முகத்தில் பல இடங்களில் களைப்பு தெரிகிறதே என்ன காரணம் ? என்னய்யா மெளலி சீக்கிரம் படத்த எடுத்துவிடுய்யா என்ற உணர்வா? போட்டு சவ்வாஆ இழுத்துக்கிட்டு திரியிற…?!

இசைக்கும் இந்தப்படத்துக்கும் ஒரு சம்பந்தமுமில்லை. பிரம்மாண்டங்களை செவிக்கு எடுத்துச்செல்ல ஒரு நல்ல தீம் கூட இல்லை. பாட்டுகள் எல்லாம் பக்கா ஆண்ட்றா லோக்கல். அதுலயும் ஒரு பாட்டுல கூட தமிழ்ல வாயசைப்பே இல்லை. முதல் படம் நேரடியாத்தமிழ்ல கொடுத்ததால இரண்டாவதை எப்டிக்குடுத்தாலும் பாப்பாங்க்யன்னு நெனச்சிட்டார் போலருக்கு. இந்திக்காரங்க்யள விடுங்க. அவங்கயளுக்கு விந்திய மலைகள் தாண்டினா எல்லாம் மத்ராஸி தான். எல்லாம் ஒரே கடகடாகுடுகுடு தான். தகரடப்பால கல்லப்போட்டு குலுக்கினாப்போலன்னு எங்கிட்டயே சொல்லுவாங்க்ய..ஹ்ம்..!

நிறைய ரஜினி ஃபார்முலா. பதவி மறுப்பு, ஊரை விட்டு (இங்க அரண்மனைய) விலக்கி வைத்தல், சூழ்ச்சி பண்ணி அவரது மனைவியையே சபை முன்னால நிறுத்தி அவமானப் படுத்துதல்னு ஏகத்துக்கு "அச்சச்சோ இத்தன நல்லது பண்ற மனுசனுக்கு இப்டி கெடுதி யாராச்சும் பண்ணுவாஹளா" சமாச்சாரங்கள். இதெல்லாம் ரஸ்னி படத்துலயே இப்பல்லாம் யாரும் காமிக்கிறதில்லை. பிள்ளைவாள் கொஞ்சம் கவனிச்சிருக்கணும்



ஃபேன்டஸியா புராணக்கதையா இல்லை வெறும் புருடாவா என்பதெல்லாம் சர்ச்சையே இங்கு தேவையேயில்லை. ஏனென்றல் அத்தனை சர்ச்சை செய்யுமளவிற்கு படத்தில் ஒன்றுமேயில்லை. சினிமான்னாலே கொஞ்சம் மிகைதான். இது வழக்கமான தெலுகு மிகை. பாக சால பூந்தி. முதல் படத்தில் ஊற்றிக்கொடுக்கும் சின்ன கேமியோ ரோலில் வந்தவர் இந்தப்படத்தில் ஏன் வரலை ?!..ஹ்ம். சிஜிக்கே பிராணனன் போய்ட்டுது போலருக்கு...ஹிஹி..

உண்மையைச்சொல்லணும்னா என்னால் முதலை ரசிக்கமுடிந்த அளவிற்கு இரண்டாவதை ரசிக்க முடியவில்லை. முதலே முடிவாக இருந்திருக்கலாம். நல்லவேளை இரண்டாவதிலாவது முடிந்ததே என்ற சலிப்பு மேற்படுவதை ஒருக்காலும் தவிர்க்க இயலவில்லை.