ஆட்டோ ஃபிக்ஷன்

உயிரோசை'யில் வெளியான கவிதை

காகத்திற்குப் பசி
களவு பிடிக்காத காகம்
பாட்டியிடம் வடை கேட்டு
இரைஞ்சி நின்றது

பாட்டியும் இரங்கி
ஒரு வடையிலிருந்து
சிறு விள்ளலைக்கொடுத்தாள்

மகிழ்ச்சியாக வாங்கிக்கொண்ட
காக்கை மரத்தின் கிளையில்
அமர்ந்து உண்ணத்தொடங்கியது.

கீழிருந்த நரி எனக்கு?
என வினவியது
மீதமான இன்னொரு விள்ளல்
பாட்டி வைத்திருக்கிறாள்
அவளிடம் கேள் என்றது
காக்கை.

ஏமாற்றுவதை விட
தோற்றுப்போதல்
எனக்குப்பிடித்தது என
மீளத்திரும்பி நடந்த
நரியும் பாட்டியிடம்
இரைஞ்சி நின்றது.

வடை மீதமில்லை
பாட்டியிடம்
இப்போது
எனை நோக்கி
வந்து கொண்டிருக்கிறது
அந்த நரி.