மழையில் நனைந்த மைனாக்கள்

உயிரோசை'யில் வெளியான கவிதை

தொடர்ந்து கூவிக்கொண்டிருக்கும்
மைனாக்களுக்குத்
தெரிந்திருக்க வாய்ப்பில்லை
முதல் கூவல் யார் கூவல் என்பது
எனக்கும்

தொடர்ந்து தூறிக்கொண்டிருக்கும்
மழைக்குத்
தெரிந்திருக்க வாய்ப்பில்லை
முதல் துளி எந்தத்துளி என்பது
எனக்கும்

தொடர்ந்து உதிர்த்துக்கொண்டிருக்கும்
மரத்துக்குத்
தெரிந்திருக்க வாய்ப்பில்லை
முதல் இலை எந்த இலை என்பது
எனக்கும்

தொடர்ந்து அழுது கொண்டிருக்கும்
மனதுக்குத்
தெரிந்திருக்க வாய்ப்பில்லை
முதலில் யார் காரணம் என்று
உனக்கும் ?

.