நான் ஆதாம்

கீற்று இதழில் வெளியான கவிதை

கவர்ந்திழுக்கும்
உடைகள் அவன் அணிந்திருக்கவில்லை
அவ்வளவு ஏன்
அவன் சொல்லிக்கொள்ளும்படியான
உடையே ஒருபோதும்
அணிந்ததுகூட இல்லை
தலைவாருதலும் முகச்சவரமும்
ஒருபோதும் செய்ததில்லை
வாசனைத்திரவியங்களின்
வாசனை கூட அவன் அறிந்திருக்கவில்லை
அடுத்த வேளை பற்றிய
கவலையின்றிப் பசியாற
ஒரு சுமாரான வேலையும் கூட
அவனிடம் இருந்ததில்லை
அவளைக்கவிதை பாடி மயக்க
அவனிடம் தமிழ் இல்லை
குறுஞ்செய்திகளும்
அஞ்சல்களும் வாழ்த்து அட்டைகளும்
அவளுக்கு அனுப்ப
வாய்த்ததில்லை
இருப்பினும் அந்த ஏவாளிற்கு
ஆதாமிடம் தூய காதல் இருந்தது
நான் ஆதாம்

 

.