நீங்கள் யார் ?

உயிரோசை'யில் வெளியான கவிதை

மின்சார ரயிலின்

வாயிலிலிருந்து அரகப்பரக்கச் சென்று
ஜன்னலோர சீட் பிடிக்கையில்

நானும் வவ்வால் மனிதன் தான்

ஊரார் பிரச்னைகளைத்தீர்த்து வைக்கும்

எனக்கு என் பிரச்னைகளுக்கு

விடை கண்டுபிடிக்கத்தெரியாத

கணங்களில் நானும் சிலந்தி மனிதன் தான்

சங்கடமான சூழல்களிலிருந்து விடுபடக்

கைவிரல்களை மடக்கிக்கொண்டு

வானத்தை நோக்கி உயர்த்திப்

பறக்க எத்தனிக்கும் போது

நானும் அதி உன்னத மனிதன் தான்

இதையும் ஒரு கவிதையென்று

நம்பிக்கொண்டு

கடைசி வரை வாசித்த

நீங்கள் யார்..?!

.