பிடரிகள்

"இன்மை" மே மாத இதழில் வெளியான கவிதைகள்

 
எல்லாம் மாயை

என்றெழுத

மசியும் காகிதமும்

கூடவே ஒரு சூடான தேநீரும்

தேவைப்படுகிறது

*****

 

ஒவ்வொருமுறையும்

கூரிய நகங்களுடன்

அணில் ஏறி இறங்கும்போது

அந்த மரம் அகமகிழ்ந்துகொள்கிறது

 

****

 

என்னுள் கடந்து

ஊடுருவ இயலாத ஒளி

எனது பின்னில்

கருநிழலாக

பதுங்கி நிற்கிறது

*****

ஒருமுறை குத்திய கொக்கு

மறுமுறையும் குத்தமுடிவதில்லை

அதேயிடத்தில்

அந்தக்குளத்தில்

****

மழை நாட்களில்

பிடரிகள்

குதிரைக்கும் சிங்கத்திற்கும்

ஒன்று

****