Thursday, February 14, 2013

கொஞ்சமிரு




என் காதலைச்சொல்லுமுன்
கொஞ்சமிரு
வான்காவிற்கு காதுகள் இருக்கின்றனவா
என்று பார்த்துவருகிறேன்

என் காதலைச்சொல்லுமுன்
கொஞ்சமிரு
அம்பிகாபதியிடம்
முதல் பாடலைக்காதல் பாடலாக
பாடச்சொல்லிவிட்டு வருகிறேன்

என் காதலைச்சொல்லுமுன்
கொஞ்சமிரு
நூலேணி பிடித்தேறிய
ரோமியோவிடம் மேலே எட்டியபின்
ஜூலியட்டைக்கொஞ்சம் ரசித்துவிட்டு
பின் ஜன்னலைத்தட்ட வேண்டிக்கொண்டு
வருகிறேன்

என் காதலைச்சொல்லுமுன்
கொஞ்சமிரு
ஷாஜஹான் தாஜ்மஹாலைப்பார்க்கும் விதம்
அந்தச் செங்கலைக்கொஞ்சம்
கொத்தனிடம்
ஒரே தள்ளில் இடிக்கும்படி
வைக்க வேண்டிக் கேட்டுவிட்டு
வருகிறேன்

என் காதலைச்சொல்லுமுன்
கொஞ்சமிரு
காதலர்தினத்தை
நாட்காட்டியின் அனைத்து
நாட்களுக்குமாக
மாற்றிவைக்க
கிரிகொரியனிடம்
சொல்லிவிட்டு வருகிறேன்.


4 comments:

  1. அழகு அழகு கொஞ்சம் அல்ல நிறையவே ரசிக்க வைத்தது.

    ReplyDelete
  2. ஹ்ம்!!! @ விஜி மேடம்

    ReplyDelete