அங்க்ரேஸி மீடியம்

இர்ஃபானின் படங்கள் கொஞ்சம் பார்க்கப்பிடிக்கும் எனக்கு. கடைசியாகப்பார்த்தது மதாரி (ஹிந்தி), சிங்கிள் பேரண்ட்டாக நடித்திருப்பார். அந்தப்பையன் மேம்பாலம் இடிந்து விழுந்து இறந்து போவான். டெல்லியில் அப்போதெல்லாம் நிறைய பாலங்கள் இடிந்து விழுந்து பலர் மரணித்தனர் சாலைகளில். அப்படி ஒரு விபத்தில் இறந்த தம் மகனைப்பார்க்க மருத்துவமனை செல்வார். மேம்பால இரும்பு கர்டர்கள் விழுந்து பள்ளிசெல்லும் சிறுவனை நசுக்கி கொன்றுவிட பையில் போட்டுத்தரவா இல்லை மூட்டையாக கட்டித்தரவா என மருத்துவமனையில் கேட்பர். உடைந்து போவார் இர்ஃபான். அப்படி ஒரு கேரக்டர் அவருக்கு,

இப்ப அங்க்ரேஸி மீடியம் பார்த்தேன். கரோனா ப்ரச்னையில் தியேட்டர்களில் ஒடிக்கொண்டிருந்த படம் இணையத்தில் வெளியிடப்பட்டுவிட்டது. இதுலயும் அதே சிங்கிள் பேரண்ட். மனைவி குழந்தை பெற்றுவிட்டு இறந்துவிட இவர் ஒற்றைக்கு வளர்க்கிறார். இன்னொரு கல்யாணமேன் பண்ணலை ? தெரியலை. பொண்ணு மாடர்னா வளருது, லண்டன்லதான் போய்ப்படிப்பேன்னு அடம் புடிக்கிது. இதுல பங்காளி சண்டை. மிட்டாய்க்கடை பெயர் யாருக்கு பாத்தியதைன்னு. கோர்ட் கச்சேரி,ராத்திரி பார்ட்டில ஜட்ஜுக்கு ரோலக்ஸ் வாட்சு குடுத்து தன்னக்கட்டினத பங்காளி உளறிவிட எல்லாம் போச்சு. ஸ்கூல் பிரின்ஸிப்பிள் கணவர் தான் ஜட்ஜ். இர்ஃபான் மேடையிலயே போட்டுக் குடுக்க பயணம் பணால். அதுக்கப்புறம் செம இளுவை. ஏகத்துக்கு செண்டிமெண்ட். இண்டியன் கலாச்சாரம் கழிசடைன்னு எல்லாம். பதினெட்டு வயசுல தானா சம்பாதிச்சு தன்னைக் காப்பாத்திக்கணும்னு எல்லா வெளிநாட்டு பிள்ளைகள் போல இந்தப்பொண்ணும் நினைக்குது, அது மாதிரியே செய்ய ஆரம்பிக்குது.

அவர் கூட நடிக்கும் பங்காளி தீபக் (இவரும் நாடக நடிகர்) அற்புதம். விட்டால் இர்ஃபானையே தூக்கி சாப்பிட்டு விடுவார் போலருக்கு. (’தனு வெட்ஸ் மனு’வில் நடித்திருப்பார்.)

இதுல என்ன கூத்துன்னா கரீனா கபூர், டிம்பிள் கபாடியா எல்லாரும் இந்தப்படத்தில நடிச்சிருக்காங்க. மார்க்கெட் இல்லாம எம்புட்டு காஞ்சு கெடப்பாங்கன்னு இதுலயே தெரியுது. ’பதினெட்டு வயசுல தானா சம்பாதிச்சு சொந்தக் கால்ல நிக்கிறதுல்லாம் செரிதான் அதே அதுக்காக அப்பப்ப அம்மாஅப்பாவ பாக்கக்கூட வரக் கூடாதுன்னு இல்லயே’ இந்த ஒரு இடம் வசனம் தான் கொஞசம் கெத்து இர்பான் பேசுறதுல. அப்புறம் அந்தப்பொண்ணு எனக்காக இவ்வளவுல்லாம் பண்றியே இந்தப்படிப்பே வேணாம்னு சொல்லிட்டு ராஜஸ்தானுக்கே அப்பாவ கூட்டிட்டு வந்திருது எதிர்பார்த்த மாதிரியே. 

ஒரேமாதிரி கேரக்டர், டயலாக் டெலிவரி தண்ணியடிச்சு மப்புலயே செருகிக்கெடக்கிற கண்கள். சலிக்குது இர்ஃபான். நஸ்ருதீன் ஷா, ஓம் புரி போன்றவர்களின் கதாபாத்திரங்களை எடுத்து அபிநயிக்கக் கூடியவர் இர்ஃபான். தோற்றமும் அதற்கு இடம் கொடுக்கும், ஸப் வேஸ்ட் ஹோகயா இதர் #அங்க்ரேஸிமீடியம்

ட்ரான்ஸா இது ட்ராஷ்!

இந்த கெளதம் மேனன்லாம் ஏன் நடிக்கிறார்? எதாச்சும் பணமுடையா?. இவர் சொல்லிக்கொடுத்து தான் இத்தனை நடிகர்களும் நடித்தார்கள் , எஸ்பெஷலி சிம்பு, என்று நம்புவது அத்தனை கடினமாக இருக்கிறது எனக்கு. ஒரு வில்லனுக்குரிய உடல் மொழி இல்லை. வசன உச்சரிப்பு திகிலூட்டுவதாக அமையவில்லை. எதோ நானும் ஸ்க்ரீன்ல நிக்கிறேன்ங்ற மாதிரி பேசறார். நடக்கிறார். இவர் சொல்லி சூர்யா/டேனியல் பாலாஜீல்லாம் நடிச்சாங்கன்னு நம்பவே முடியலை. கம்ப்ளீட் வேஸ்ட். ஹ்ம்.. ட்ரான்ஸ் பார்த்தேன் நேத்து அதான் இப்டி. அந்தப்பெண்ண கொலை செய் அப்டீன்னு சைகையால காட்றார். அதப்பாத்தா என்னவோ ஐஸ்க்ரீம் வாங்கிட்டு வான்னு சொல்றா மேரி இருக்கு ஹிஹி… சொல்லப்போனா இவர்தான் படத்துக்கு ஹீரோ. கேரக்டர் அஸாஸினேட் ஆக்கிட்டார்.!

ஆனாலும் அந்த நஸ்ரியா கேரக்டருக்கு ‘ஆண்ட்ரியா’ தான் பொருத்தமா இருப்பாங்க ( ஹ்ஹி , வழிய ஆரம்பிச்சிட்ட பாத்தீயாஆ..ஹிஹி) ஏன்னா அந்த மேரி ஒரு கேர்லெஸ் அட்டிட்யூட் உள்ள பெண்ணா நடிக்க அவரத்தான் தேர்ந்தெடுத்திருக்கணும். மேலும் ஃபகத்துக்கும் ஆண்ட்ரியாவுக்கும் உள்ள கெமிஸ்ட்ரி அத்தனை அம்சமா இருக்கும் ‘அன்னயும் ரசூலும்’ படத்துல.

எதோ பள்ளிக்கூடப்பிள்ளய கூட்டிட்டு வந்து சிகரெட்டெலாம் ( அதுவும் ட்ரக்குள்ள சிகரெட்டாம். .ஹிஹி) குடிக்க விட்டு தண்ணியடிக்க விட்டு பாடாப்படுத்தியிருக்காங்க மக்கா. ஸ்டைலிஷ் நடையில்லை, ஒரு க்ளாமர் லுக் இல்லை, இதெல்லாம் வந்து ஒரு மெகா ஸ்டாரை வந்து மயக்குதாம் நாம அதப்பாக்கணுமாம்..அடச்சீ. ஒரு வேள நஸ்ரியாவே இது மாதிரி எவளாவது கூட நடிச்சு ஃபகத்தை கொத்திண்டு பொய்ட்டாள்னா, அப்டீங்கற பயத்துலயே நானே நடிக்கிறேன்னு சொல்லீருக்கும் போல. பர்த்தாவும் பதிவிரதையும். ஹிஹி.

ஃபகத்தும் என்னென்னவோ மாயாஜாலம்லாம் காட்றார். இருந்தாலும் ஓவர் ஆக்ட்டிங் தான் கெடுத்து குட்டீச்சொவராக்குது படத்த. இவன் நடிக்கிறான்னு தெரிஞ்சா ஒரு அவார்ட் குடுக்கலாம்னு அவரே அவர புகழ்ந்துக் கிர்றதுல்லாம் ..ஹ்ம்.. நாம வாங்கற அஞ்சுக்கும் பத்துக்கும் இது மேரி வசனமெல்லாம் தேவையா? இடவேளைக்கப்பிறம் இவனுக்கு ஒண்ணுமே ஆகாது இனிமே தான் சந்தரமுகி ஆட்டம் ஆரம்பம்னு தெளிவா தெரியிற திரைக்கதை பெரும் ஓட்டை. இது எல்லா மதத்துலயும் நடக்கிற கார்ப்பரேட் கசமுசா சமாச்சாரம் தானே?  ட்ரான்ஸா இது ட்ராஷ்! #ட்ரான்ஸ்

லாக்டௌன்21

எங்கள் பெங்களூர் அப்பார்ட்மெண்ட் பில்டிங்ல ’வொர்க் ஃப்ரம் ஹோம்’ பண்ணும் இளந்தாரிகளின் தொல்லை பெருத்துவிட்டது. அவரவர் வீட்டின் கக்கூஸுக்குள் உட்கார்ந்து சிகரெட் பிடிக்கிறார்கள். கேட்டால் புகைத்தால் தான் வெளிவரும் என்கின்றனர். உபயோகித்த நீர் வெளியேறும் பைப்கள்/வெண்டிலேட்டர்கள் மூலம் மற்ற தளங்களின் கக்கூஸ்/பாத்ரூமுக்குள் இலவச புகைச்சேவை. மறந்து கதவைத்திறந்து வைத்தால் அறைக்குள்ளும் புகை வாசம் மண்டுகிறது. கண்டதையும் ஆன்லைனில் ஆர்டர் பண்ணி இல்லை நடந்துபோய் வாங்கிக் கொண்டு வந்து கீழ் வீடுகளிலிருக்கும் உப்பரிகைகளில் போட்டு விடுகிறார்கள். கேட்டால் கை தவறி விழுந்து விட்டது என அழிச்சாட்டியம். பீர் பாட்டில்களை குடித்து விட்டு பின்னிலிருக்கும் நந்தினி கார்டனில் தூக்கி வீசுகின்றனர். ரெண்டு முறை ரெய்டு வந்து சென்றனர் கே.எம்.எஃப் லிருந்து. சில்லி சாஸ் பாகெட்டை பிரித்து எனது வீட்டு உப்பரிகையில் கொட்டி வைத்திருந்தனர். நான் கூட எதோ புறாக்கழிவாக்கும் என நினைத்து தண்ணீரை ஊற்றி கழுவி விட்டேன்.பிஸ்ஸா வாங்கி வந்து அதன் மேல் தூவும் பெப்பெர்/சில்லி பாக்கெட்டுகளை பிரிக்கிறேன் பேர்வழியென தூவி விடுகிறார்கள் அது ஜன்னல் வழி விழுந்து பெருந்தும்மல் இருமல் வருகிறது. விட்டால் போலீஸே வந்துவிடும் போலருக்கிறது இந்த பில்டிங்க்ல எவனுக்காவது கரோனா புடிச்சிருக்கான்னு கேட்டூ. 

லிஃப்ட் பயன்பாடு வேண்டாம் என்றால் கேட்பதேயில்லை (மொத்தமே நான்கு தளங்கள் தான் பில்டிங்கில்). டெலிவரி பாய்ஸ்களை பில்டிங் உள் நுழையுமுன் கைகளைக்கழுவி விட்டு வர ஏற்பாடாக சோப்புக்கரைசல் செக்யூரிட்டியிடம் கொடுக்கப் பட்டு கையெழுத்து போட்டு வீடு வருமுன் கழுவி விட்டு வர ஏற்பாடு செய்திருக்கிறது. வீட்டு வேலை செய்ய வரும் அம்மணிகளிடமும் அங்கனமே செய்துவிட்டு வர பணித்திருக்கிறோம். வீட்டின் மேல் தளத்தில் ஒரு ஜிம் உள்ளது. ஒரு உபகரணமும் ஒழுங்கில் இல்லை. எல்லாவற்றையும் பாழடிக்கின்றனர். இந்த இளந்தாரிகள் டம்பிள்ஸை தூக்கிக்கொண்டு தமது வீட்டில் வைத்து கொண்டு இல்லை எனச் சாதிக்கின்றனர்..வெயிங் மெசினை என்ன செய்தார்களென தெரியவில்லை. தும் தும்’மென்று விட்டிலிருக்கும் ஹோம் தியேட்டரில் பாட்டு போட்டு பில்டிங்ல எதோ கல்யாணம் போலருக்குன்னு நினைக்க வைக்கிறாங்யள். இவங்யளுக்காகவாவது கொரொனா மனசு வெச்சு பெங்களூரை விட்டு ஓடிவிடுமாறு பணிவன்புடன் கேட்டுக் கொள்கிறேன். இப்டீல்லாம் கோள்மூட்றாங்யன்னு தெரிஞ்சு அசோசியேஷன் வாட்சப் க்ரூப்ல இந்த அங்கிள்கள் தொல்லை தாங்கலைன்னு மீம் போட்டு விடுறாங்ய. அடச்ச. #லாக்டௌன்21

கொரோனாடைரீஸ்

பெங்களூரில் லேடீஸ் பிஜி பாய்ஸ் பிஜிக்களை மூடச்சொல்லி உத்தரவு வந்து இரண்டு வாரங்களாகி விட்டது. அவர்களை சொந்த ஊருக்கு செல்லும்படி கேட்டுக்கொண்டு சுற்றறிக்கை எல்லா பிஜிக்களுக்கும் கையளிக்கப்பட்டது. இருப்பினும் பல பிஜிக்களில் இன்னமும் பெண்கள் உலவிக்கொண்டு தானிருக்கின்றனர். வீதிகளில் கூட்டம் இல்லை. இருப்பினும் பீஜிக்கள் இன்னமும் நிறைந்து தானிருக்கின்றன. அவற்றின் சுத்தம் சுகாதாரம் பற்றி கேட்கவே வேணாம். டூ ஷேரிங், த்ரீ ஷேரிங் என்ன 4 ஷேரிங் உள்ள பீஜிக்களின் நிலைமை சில சமயங்களில் நான் கண்டதுண்டு. துணி துவைக்க மொத்தமே நாலு வாஷிங் மெஷின்கள் மட்டுமே. அதற்கு மாபெரும் க்யூ. போதும்டா சாமி என கைகளால் துவைக்கும் அம்மணிகளின் கதைகளை நான் கேட்டதுண்டு. கொரோனா மட்டுமல்ல, டெங்கு பரவலும் மிக அதிகமாகக் காணப்பட்டது இம்மாதிரி பீஜிக்களால் தான். 

மேலும் ஆன் சைட் போய்விட்டு திரும்பும் மக்கள் அதிகம் பெங்களூரில். வந்தாலும் அறிவிக்காது தெரிவிக்காமல் கமுக்கமாக இருந்து விடும் பார்ட்டிகளும் உண்டு. பெங்களூர் ஏர்போர்ட் மூடியாயிற்று என்று வதந்தி பரவிவிட்டது, பெரும்பாடு பட்டு அதை இல்லை எனக்கூறிட ட்வீட்டுக்கு மேல் ட்வீட் போட்டு விளக்கியது ஏர்போர்ட் நிர்வாகம். இண்டிகோ பதிவு செய்த டிக்கெட்டுகளை இன்னொரு நாளுக்கு இலவசமாக மாற்றிக் கொள்ளலாம் என ஒப்பாரி வைக்காத குறையாய் மெயில் மேல் மெயில் போட்டுக் கொண்டிருக்கிறது. இந்நிலை இன்னமும் தொடர்ந்தால் உள்ளூர் விமான நிறுவனங்கள் நிரந்தரமாக மூடப்படல் உறுதி. ஏற்கனவே பல ரயில்கள் ரத்து செய்யப்பட்டுவிட்டன.

வெளிநாடு போய்விட்டு பெங்களூர் திரும்பி வந்த தம்மகனை டெஸ்ட்டுகளிலிருந்து மறைத்ததாக ரயில்வேயில் வேலை பார்க்கும் அன்னை கைது, மேலும் வெளிநாடு சென்று வந்த இன்னொரு நபர் யாருக்கும் சொல்லாமல் மெஜ்ஸ்டிக்கில் பேருந்து ஏறி குடகு வரை பயணித்திருக்கிறார். அவருடன் முன்பதிவு செய்யாத 40 பேரும் பயணித்திருக்கின்றனர். உள்ளூர் போலீஸ் ட்வீட் போட்டு பஸ் நம்பரை சொல்லி இதில் இன்னதேதியில் பயணித்த அனைவரும் அருகிலுள்ள மருத்துவமனை செல்லவும் எனக்கெஞ்சுகிறது.

அத்தனை தகவல் தொழில் நுட்ப ப்ராஜக்ட்களும் தேதி குறிப்பிடாமல் தள்ளிப்போடப்படுகின்றன. இந்தியா பெரும்பாலும் அவுட்சோர்ஸிங் என்ற அடிப்படையில் மட்டுமே தகவல் தொழில் நுட்ப துறையில் சம்பாதிக்கிறது. அத்தனை வேலைகளையும் செய்ய அலுவலகம் சென்றே ஆக வேண்டிய கட்டாயத்தில் கீழ் நிலையில் பணிபுரியும் டெக் சப்போர்ட் மற்றும் கால் செண்டர் ஊழியர்களுக்கான கேப்/வேன் வசதிகள் குறுக்கப்படுகின்றன. மூன்று ஷிஃப்டுகள் செய்தே ஆகவேண்டிய ஊழியர்களுக்கு அப்/டவுன் வசதிகள் ஒரு முறை மட்டுமே என்று ஆக்கப் பட்டிருக்கிறது. விளைவு கூடுதல் நேரம் பணியிடத்தில் அமர்ந்தாக வேண்டும். அலுவலகங்களில் சானிட்டைஸர்/மாஸ்க் தட்டுப்பாடு மேலும் பகல்/இரவு என நாள் முழுதும் ஏசியில் அமர்ந்து பணிபுரிய வேண்டிய கட்டாயம். கொஞ்சம் சீனியர் ஊழியர்களுக்கு மட்டுமே வீட்டில் இருந்து வேலை பார்க்கும் வசதி. அதிலும் நெட் கனெக்‌ஷன் செலவுக்கு பெரும்பாலும் பணம் கிடைப்பதில்லை. டெலி ப்ரசென்ஸ் வசதிகளுக்கு அலுவலகம் சென்றே ஆக வேண்டிய கட்டாயம்.

கொஞ்சம் கொஞ்சமாக எல்லோரின் மனத்திலும் ஒரு தேக்க நிலை வந்து விட்டதை கண்கூடாகக் காண முடிகிறது. மனிதப்பண்பு என்பது கிஞ்சித்தும் காணக்கிடைக்காத துறை த.தொ.துறை. இன்னமும் மனிதர்களை அந்நியப்படுத்தித்தான் வைக்கிறது இன்றைய நிலைமை. இத்தனை காலம் கட்டமைத்த அத்தனையையும் நிர்மூலமாக்கி விட்டுத்தான் செல்லும் போலிருக்கிறது இந்தக் கொரோனா . எல்லோரும் ஜோரா ஒரு தடவை கை தட்டுங்க....... .#கொரோனாடைரீஸ்

#வாத்தீரெய்டூடா

 
ஆனா ஆவன்னா ...வாத்தீ ரெய்டூ... ங்கொம்மா.. செமடா .அற்புதமான ராப்! முதல் ரெண்டு பாட்டு சொதப்பினவொடன லோகேஷ் , தம்பி அநிருத் மேல கரோனாவ ஏவி விட்டு கடிக்க விட்டார் போலருக்கு. துள்ளி எழுந்திரிச்சு மந்திரிச்சு விட்டமேரி அடி பொளந்துட்டான்.. ங்கொய்யால இதாண்டா பாட்டு. என்ன ஒண்ணு, ராப்’ல அதிகமா தமது யோசனை, தமது கற்பனை கலந்து எதுவும் செய்ய விடாத ஜானர். அதான். அப்டியே செய்ன் ரியாக்‌ஷன் மேரி இதுக்கு முன்னால வந்த பேட்ட ராப்’ வர இஸ்த்துக்கினு போயிரும். இருந்தாலும் இண்டர்ல்யூட்களில் வரும் ‘தரநாநா தரநாந’ ஹம்மிங் அடிநாதமாக ஒலித்து (இந்த ஹம்மிங் மட்டும் தம்பி பாடீருக்கார் போல) பாலமாக அமைந்து இரண்டு சரணங்களை இணைத்து ஒர் மென்மையை உருவாக்குகிறது. தெருக்குரல் ‘அறிவு’ இவர கள்ளமெளனி பாட்டுலயே அடையாளம் காண வைத்துவிட்டார். அதான் எமினெம் ஸ்டைல்ல இங்க ஒரு ராப்பு. ஆப்பு. எவ்வளவு சொன்னாலும் ராப்’ ஜானரில் அதிகம் கற்பனை கலக்கவியலாது அதனால் வரிகளை அழுத்தமாக எழுதித்தான் கேட்கவைக்க இயலும். அதுவும் இங்க இழுக்குது. சரி பரவால்ல.

”தெருவில் நடக்கிற ,
கொடுமையக்கடக்குற,
தலை முறை படிக்கிற
தமிழில் இருக்குது
பொதுமுறை எதுக்குன்னு
விலகிற பழக்கம் எனக்கில்லை
எப்போதும் என்னுடம் இருக்கும் பட்டாளம்.
உண்மை உரைக்கும் ,
கட்டாயம் மண்ணைத் திரட்டும்,
பேதங்கள் இல்லாதிருக்கும்,
நாடெங்கள் கண்ணாயிருக்கும்,
மேலும் “கற்பி ஒன்று சேர்.! ” இந்த வரிகளை மெச்சலாம், 

அருணகிரிநாதர் ஆரம்பிச்சு வெச்சார் இந்த ராப் ஸ்டைல. நம்ம ரஹ்மானின் பேட்ட ராப்பிற்கு பிறகு (காதலன்) ,அவராலேயே மீண்டும் உருக்கொள்ள வைக்க வியலாத ராப் (ஓக்கே கண்மணி,அச்சம் என்பது மடமையடா’ முயன்று பார்த்தார், எடுபடவேயில்லை ) இங்கு உருவெடுத்து அடித்துப் பொளித்திருக்கிறது. ‘வாத்தீ ரெய்டூடா’.. ங்கொய்யால,.யார்கிட்ட? ஹ்ம்...! இது பீஸ்ட் மோடூ.! சமத்துக்குட்டீ :) இந்த வாத்தீ கிட்ட வெச்சுக்காத , ஓரம் போய்டூ கெழபோல்ட்டுகளா,,,ஹிஹி.. #வாத்தீரெய்டூடா

கரோனா

பகலிலும் ஜகஜ்ஜோதியாக எரிந்து கொண்டே யிருக்கும் பெங்களூர் கேஎலெம் மால் அடைத்துக் கிடக்கிறது. ஒரு நாள் போலும் அடைக்காதவரே அடைத்துவிட்டனர். பிரிட்ஜ் ஏரியாவே வெறிச்சோடிக் கிடக்கிறது. வழக்கமாக சாலையைக் கடந்து அந்தப்பக்கம் செல்ல கிட்டத்தட்ட ஐந்து நிமிடத்துக்கும் கூடுதலாக காத்துக்கிடக்க வேணும். இன்றோ ரெண்டு செகன்டுகள் போலும் ஆகவில்லை. காவிரிக் கலவரம் ஏற்பட்ட நாளன்று தான் கடைசியாக இங்கனம் பிரிட்ஜ் ஏரியா முழுக்க பாலை போல வெறிச்சோடிக்கிடந்தது. பேருந்துகள் வழக்கம் போல இயங்கத்தான் செய்கின்றன. ஆனால் அதிலேற ஆட்கள் தான் இல்லை. மல்லு ஒருவரின் சிறிய அங்காடி ஒன்று நடுத்தரமானது, அவருக்கும் பயம் பிடித்துக் கொண்டது. எங்களையும் மூடச் சொல்லீருவாங்களோ என்று. ‘ஜனம் கூடுன்ன ஸ்தலங்களெயெல்லாம் மூடணுன்னாணு பறஞ்சது, ஙங்களையும் அடச்சுபூட்டான் பறயுவோ?’ என்கிறார் முகமூடியை சரிப்படுத்திக் கொண்டே. பிள்ளைகளுக்கு லீவு விட்ட கு‌ஷியில் வீட்டின் கீழ் தளத்து கார் பார்க்கிங் முழுதும் ரணகளமாக ஆகிக் கொண்டிருக்கிறது. இன்னமும் ஒரு வாரம் இருக்கிறது அவர்களுக்கு விடுப்பு முடிவதற்கு. அதற்கு மேலும் திறக்கப்படும் என்பதற்கு ஒரு உத்திரவாதமும் இல்லை. ஓட்டல்களில் ஆட்களே இல்லை. ஈயாடுகிறது.

இருப்பினும் முனிசிபாலிட்டி வேலையாட்கள் வழக்கம் போல சாலைகளை கூட்டிப்பெருக்கிக் கொண்டுதான் இருக்கின்றனர். வேலை பெரும்பாலும் வீட்டிலிருந்த படியே நடந்து கொண்டிருக்கிறது தகவல் தொழில்நுட்ப பணியாளர்களுக்கு. மாஸ்க் , மற்றும் சனிட்டைஸர்களுக்கு பக்கத்து மருந்துக்கடையில் சொல்லி வைத்திருக்கிறேன், ஸ்டாக் வந்தால் தெரிவிக்கிறேன் என்றார். ஃப்ளிப்கார்ட், அமேசானில் ஆணை கொடுக்கலாமென்றால் , நண்பர் ஒருவர் வாங்கி விட்டு இரண்டு நாட்கள் கூட தங்கவில்லை ஓட்டை விழுந்து விட்டது என்றார். அதிலும் டூப்ளிகேட். ஒரு சின்ன கண்ணுக்கு போலும் தெரியாத நுண்விசக்கிருமியால் ஒட்டு மொத்த மனித இனத்தையே மாதக்கணக்கில் முடக்கிப்போட முடியுமெனில் இத்தனை காலம் அறிவியல் சாதித்ததென்ன? #கரோனா

வாத்தி கமிங்

'வாத்தி கமிங்’ எங்க கமிங், ஃப்ளாப் கமிங், மவனே நீ இப்டியே அடிச்சிக்கிட்டு இருந்தேன்னு வெச்சுக்க, உன்னய அப்புறம் அப்டியே சரி வேணாம் . ‘சிங்காரி சரக்கு நல்ல சரக்கு’லல்லாம் இதப்போல பொருளற்ற சொற்கள் இல்லை. இருப்பினும் கேட்பவரை ஆடச் சொல்லும்,கிளப்பி விடும். இன்னும் தம்பி அந்த மரண மாஸுலருந்து வெளிவரவேயில்ல போலருக்கு. கொஞ்சம் இடைவெளி விட்டா நல்ல பாட்டு வர வாய்ப்பிருக்கு, தர்பார்ல ஒரு பாட்டு கூட சரியில்லை. இங்கயும் அப்டியே. சில வாத்தீங்கல்லாம் காலேஜ்ல அன்னிக்கு வராம இருந்தா இந்த மாதிரி தான் அர்த்தமேயில்லாம பாடத்தோணும். ஒண்ணும் சொல்லிக்கிர்றா மேரி இல்ல. 

ஒரே ஆறுதல். புல்லாங்குழலை அடிப்படையாக வைத்து குத்துப்பாடு போடலாம்னு காமிச்சதுக்கு வேணா பாரட்டலாம். இருந்தாலும் இதே பாணில கோவா ராப்’பர் ரெமோ ஃபெர்னாண்டஸ் ஒரு பாட்டு போட்ருக்கார். அதுவும் ஆட்டப்பாட்டு தான். பெரும்பாலும் டான்ஸ் ப்ரோக்ராம்லல்லாம ஆடி ஆடி போரடிப்பானுங்க.! இங்க 02:30ல ஆரம்பிக்கும் அந்த புல்லாங்குழல் வழி பாடுவது ரெமோ ஃபெர்னாண்டஸ் தான். என்ன கொஞ்சம் இங்க ஃபாஸ்ட் ட்ராக்ல போட்டதால அடையாளம் தெர்ல,ஹிஹி. #வாத்திகமிங்