சின்னப்பயல்

தோனி – நாட் அவுட்

2012-02-07T08:37:00.000+05:30

வருடிச்செல்லும் மயிலின் இறகினையொத்த இசையைப்பற்றி இப்போதுதான்ரசித்தகணத்திற்குள் இன்னுமொரு கூக்ளி ராஜா சாரிடமிருந்து “தோனி” வழியாக.முதலிலேயே சொல்லிவிடுகிறேன், நீங்கள் ஒரு “நெஞ்சத்தைக் கிள்ளாதே”வையோ “மூடுபனி”யையோ அல்லது ஒரு “முள்ளும் மலரும்”போன்ற இசையை எதிர்பார்த்து இங்கு வந்திருப்பீர்களானால் உங்களை ராஜா இந்தத்தடவை திருப்திப்படுத்தமாட்டார் என்றே சொல்லுவேன்.கொஞ்சம் வித்தியாசமாக, கதைக்களனுக்குப் பொருத்தமான இசையாகத்தான்தோன்றுகிறது எனக்கு இந்த “தோனி-நாட் அவுட்”-ன் பாடல்கள் அனைத்தும்.அதிகப்பாடல்களும்இல்லை மொத்தமே நான்கு பாடல்கள்.அனைத்தும் ஒவ்வொரு ரகம்.ஒன்றோடொன்று கலக்காதDifferent Genre. ராகதேவனுக்கு படைப்பதில் உள்ள ஆனந்தம் வேறேதிலுமில்லை, எனினும் பாடல்களைக்கேட்டுவாங்குபவருக்கே அதிஉன்னத பாடல்கள் கிடைத்திருக்கின்றன என்பது அவரின் எண்பதுகளில் நிரூபிக்கப்பட்டஒன்று.உதாரணத்துக்கு ஸ்ரீதர் படங்களுக்கு ராஜா சார் இசைத்தது,பாலு மகேந்திரா மற்றும்மகேந்திரன் போன்றோரின் படங்களில் அவர்கள் “சபரி” தேர்ந்தெடுத்த நெல்லிக்கனி போல அவரின் இசை ரசிகர்களுக்கெனெ தேர்ந்தெடுத்த பாடல்கள்என்றென்றும் ராகதேவன் மற்றும் அந்த இயக்குனர்களின் பெருமை பேசிக்கொண்டுதானிருக்கிறது.அவ்வகையில் பிரகாஷ்ராஜ் நல்ல ரசிகராயிருந்த போதிலும், நல்ல தெரிவாளராக இருக்கிறாரா என்றால் மிஞ்சுவது கொஞ்சம் ஏமாற்றமே.!

சின்னக்கண்ணிலே

ஷ்ரேயா கோஷல் மற்றும் நரேஷ் ஐயர் பாடிய துள்ளலிசைப்பாடல். என்னைக்கேட்டால்இந்த இருவரும் “ முன்பே வா என் அன்பே வா “ பாடலை விட இந்தப்பாடலை அருமையாகப் பாடியிருக்கின்றனர்என்றே சொல்லுவேன். நரேஷ் எவ்வளவு தூரம் கடந்து வந்திருக்கிறார் என்று நினைக்கும்போதுஎனக்கு சிலிர்த்துத்தான் போகிறது. பனிக்கால அதிகாலையில் அனைவருக்குமே உரித்தான கரகரப்பானகுரலில் , இருப்பினும் பிசிறு ஏதும் தெரியாமல் தெளிவாகப் பாடியிருக்கிறார்.( ஹ்ம்,,,பாடவைத்தது யாரு..?!:-)) ). ‘கண்ணுக்குள் நிலவு’படப்பாடல் “ஒரு நாள் ஒரு கனவு” போலவே இதிலும் பியானோவின் இனிய சீன மணி போன்ற இசைக்கோவையுடன்தொடங்கும் பாடல் , பின்னர் அந்த பியானோவின் ஒலித்துள்ளல் பாடலின் இறுதி வரை இருவரின்குரலோடும் சேர்ந்தே பயணிப்பது தென்றலின் மென்மையை உணரச்செய்யும் அற்புதம். பாடலின்கட்டமைப்பு ஐரோப்பியன் பாணியில் அமைந்த ஒரு Church Choir ஆகத்தான் இருக்கிறது.Verse and Chorus என்ற அவர்களின் பாணியில் அமைந்த பாடல் இது. Verse –ஐ ஷ்ரேயா கோஷல்தொடங்க Chorus- பின் தொடர்கிறது. 0:54-ல் தொடங்கும் Choir சட்டெனெ முடிந்து பின்னர்வயலின் மற்றும் ட்ரெம்பெட்டின் இசைக்குப்பின்னரும் தொடர்கிறது Choir. தமிழனுக்கு ஒருபுதிய அனுபவம்தானிது. இடையிடையே வந்து செல்லும் புல்லாங்குழல் இசை எந்த இடத்திலும்ஷ்ரேயா’வின் குரலை மீறிச்செல்லாமல் பாடலுக்குள் புகுந்து செல்லுதல் இன்னும் அழகு. எங்கநம்ம நரேஷக்காணமேன்னு கொஞ்சம் நம்மள நினைக்கவைத்த ராஜா சார் , அவரை இதோ நானும் பாட்டுலஇருக்கேன்னு அறிமுகப்படுத்துகிறார் 2:11 ல்,கொஞ்சம் அடிக்குரலிலேயே ஆரம்பிக்கிறார் ,ஒரு வேள ராஜா சார் என்ன சொல்லுவாரோன்னு பயந்துக்கிட்டே அடிக்குரல்ல ஆரம்பிக்கிற மாதிரிஇருக்கு :-) .

அவர் இசையமைத்த பாடல்களில் இரண்டுசரணங்களுக்குமிடையில் அவர் நமது கையைப்பிடித்து அழைத்துக்கொண்டு இதுவரை நாம் காணாத,பிறரால் காண்பிக்க இயலாத ஒரு இசைவெளி’க்கு Interludes மூலமாக அழைத்துச்செல்வார் ராஜா.அவர் இசையமைத்த அத்தனை பாடல்களிலும் இந்தப்பயணம் இனிதே நிகழும்.வெறுமனே கண்ணை மட்டும்மூடிக்கொண்டு நம் கையையும், மனதையும் அவரிடம் கொடுத்து விட்டால் , ஒரு கண்ணில்லாதவனைஅழைத்துச்சென்று , திடீரென அவனுக்கு கண்ணைக்கொடுத்து, பிறகு அவன் தன் வாழ்நாளில் எப்போதுமேபார்த்தறியாதவற்றைக்காட்டி அவனை அனுபவிக்க வைத்துவிட்டு, அந்த போதையிலேயே அங்கேயே தங்கிவிடலாம்என்று நினைத்துக்கொண்டிருக்கையில் பிறகு அங்கேயே விட்டுவிடாமல் Interludes முடியும்போதுமீண்டும் இந்த உலகிற்கே அழைத்து வருவது என்பது ராஜா சாரால் மட்டுமே சாத்தியம்.

அப்படியான ஒரு அற்புத Interludesஐ இந்தப்படத்தின் எந்தப்பாடல்களிலும்காணக் கிடைக்கவில்லையெனினும் இந்தப்பாடலில் அவர் Choir மூலமாக அந்தக்குறையை தீர்த்துவைக்கிறார்.எனினும் இந்த Choir Style முயற்சி அவர் ஏற்கனவே “பன்னீர் புஷ்பங்கள்’ படத்தில் “கோடைக்காலக்காற்றே”பாடலில் பரீட்சித்துப்பார்த்ததுதான்.!

ஷ்ரேயாவின் குரலுக்கு அவ்வப்போது இடையே வந்து இதம் சேர்ப்பதுபுல்லாங்குழல் என்றால் நரேஷின் குரலுக்கு பதம் சேர்க்கிறது Synthesizer. 2:33 ல் ஆரம்பிக்கும்ஒரு Interlude ‘இதயம்’ படத்தில் இடம்பெற்ற கொஞ்சம் பழயபாடல் போல் உருக்கொண்ட “ஏப்ரல்மேயிலே பசுமையேயில்லே “ பாடலின் Interlude ஐ ஒத்திருக்கிறது. அந்தப்பாடலில் 2:46 ல்ஆரம்பிக்கும் Interlude அப்படியே எடுத்துக் கையாளப் பட்டிருக்கிறது இங்கே. ஒண்ணு பண்ணுங்க,இந்த “சின்னக்கண்ணிலே”வை கொஞ்சம் Tempo-வைக்குறைச்சு கேட்டுப்பாருங்க “ஏப்ரல் மேயிலே”வந்துரும்..! :-)

தாவித்தாவிப்போகும்

Opening Music- ல் கிட்டாரும் மணியும் Synthesizer மாக சேர்ந்துஒலித்து பின்னர் வயலினுமாக ஆரம்பிக்கும் இந்த ராஜா சாரின் குரலில் இருக்கும் பாடல்உங்களைத்தாலாட்டும். இந்தப்பாட்டுக்கு Guitar ல Chords எடுக்கச்சொன்னா என்னால எடுக்கமுடியும்.ஏன்னாஅவ்வளவு எளிமையாக இருக்குங்கறத சொல்லவர்றேன். “சின்னத்தாயவள்” என்று நாயகனில் இடம்பெற்றதாலாட்டிற்குப்பின் இதுதான் நல்ல தாலாட்டு என்றே தோன்றுகிறது எனக்கு. Pathos ஆக இசைக்கப்பட்டிருக்கும்இந்தப்பாடல் தாலாட்டவும் தான் செய்கிறது. முதல் Interlude க்கென 1:16 ல் தொடங்கும்வயலின் , பின்னர் Double Bass உடன் இணைந்து கொண்டு இசைக்க ட்ரெம்பட்டின் அமுக்கமானஒலியுடன் நம் மனதை கனம் கொள்ள வைக்கிறது. இரண்டாம் Interlude , Guitar உடன் தொடங்கிViolin இழைக்க இழைக்க மெருகு ஏறுகிறது.இந்தப்பாடலில் இசைக்கப்பட்டிருக்கும் இரண்டுInterludes களும் பாடலை விட்டு வேறு தளத்தில் பயணித்து பின்னர் பாடல் வரிகளுக்கென ஓய்கின்றன. சின்ன சிம்ஃபொனி என்றே இந்தப்பாடலைக்கூறலாம் என்னுமளவிற்குஅதிக சங்கதிகள் விரவிக்கிடக்கிறது பாடல் முழுதும்..ராஜாவின் கூடவே பாடும் Violin நமக்குஒரு Feelஐ உருவாக்கி நம்மை பாடலோடு ஒன்றத்தான் வைக்கிறது.

விளையாட்டாபடகோட்டி

இந்தப்பாடலுக்கு இரண்டு Versions இருக்கு, Male Version க்குஹரிஹரனும் , Female Versionக்கு ஷ்ரேயாவுமாக. எனக்கென்னவோ ஷ்ரேயாவின் Version தான்Better ன்னு தோணுது. மேலும் இந்தப்பாடல் முழுக்க “விருமாண்டி”யில் ஷ்ரேயாவும் , கமலும்சேர்ந்து பாடின “ஒன்ன விட” பாடலின் பாணியிலேயே அமைந்தது போலவே இருக்கிறது.பாடல் தொடக்கத்திலிருந்துஇடையிலும் , முடிவிலும் கூட அதே பாணியிலேயே தான் , Treatment செய்யப்பட்டிருக்கிறது.Rustic Style ல் Chorus உடன் ‘தந்தனத்தன தந்தன்னா’ என்று தொடங்கும் இந்தப் படகோட்டியின்பாடலில் , ஆழியில் ஆடும் ஓடம் போல் நாமும் அலைக்கழிக்கப்படுவதை தவிர்க்க இயலவில்லை.இந்தப்பாட்டுமுடிஞ்ச பிறகும் Loop-ல் வைக்கப்பட்டது போல திரும்பத்திரும்ப என் தலைக்குள் ஓடிக்கொண்டேயிருக்கிறது நாள் பூராவும் , ஏதோ போதை ஏறி பின்னர் இறங்காமல், அதையே இன்னும் அனுபவித்துக் கொண்டேயிருக்கவேணும் என்பது போன்ற உணர்வை இந்தப்பாடல்தருகிறது. கூடவே இசைக்கப்படும் வயலினுடன் , Sarod-ம் கூடவே சேர்ந்து இசைக்கப்பட்டிருக்கும்என்றே எனக்குப்புலப்படுகிறது கேட்கும் போது. அலையில் மேலேறிக்கீழிறங்குவது போல , சட்டென்றுஅல்ல, கைதேர்ந்த படகோட்டியின் படகில் பயணித்தால் , அவன் அலையின் முகடுகளுக்கேற்ப படகைதிறம்பட செலுத்துபவன் போல ராஜா சார் இசைத்திருக்கிறார் இந்தப்பாடலை. தவறியும் கீழேவிழுந்துவிடாமல் அதே நேரம் உங்களை முழுதும் அந்த அலைக்கழிப்பிலேயே வைத்திருப்பதும்இந்தப்பாடலின் சிறப்பு. பல விதமான ஏற்ற இறக்கங்களுடனான நோட்ஸ்களுடன் Violin ன் கற்றைகளால்இசைக்கப்பட்டிருக்கிறது இந்தப்பாடல். இசைத்த Interludes களும் இந்தப்பாடலில் பாடலைவிட்டு வேறு திசையில் பயணிக்காது பாட்டின் Tempo விற்குத்தக்கவே வந்து செல்கிறது.

இந்தப்பாடலைக்கேட்பதற்கு நீங்கள் உங்கள் மனதைத் தயார்படுத்திக்கொள்ளவேண்டிய அவசியமில்லை.எந்த மனநிலையிலிருப்பினும் உங்களை பாடலின் Mood அதன் திசையில்பயணிக்கவைக்கும் , வழிதவறவிடாமல்.

Male Version- ஐப்பற்றிக்கூற வேண்டுமெனில் , ஹரிஹரனுக்கு பிருகாபாடக்கூடிய குரல்.அதனால் அவர் நிறைய Yodelling- கிற்கு அதிகம் இடம் கொடுப்பார்.பாடலில்அது இல்லாத போதும் வரிகள் முடிந்தபின்னருமான ராகத்தை தொடர்ந்து பாடிக்கொண்டேயிருப்பார், நல்ல உதாரணத்துக்கு “பொய் சொல்லக்கூடாது காதலில்” பாடலைக்கேட்டீர்களானால் எளிதில்விளங்கும்.அந்த Extra Fittings ராஜா சாரிடம் எடுபடுவதில்லை.அவர் எதையும் , பாடலுக்குத்தேவையானவற்றைமட்டுமே நறுக்கிக்கொடுக்கவைப்பார். அது போல அமைந்தது தான் “ காசி” படத்தில் ஹரிஹரன்பாடிய அத்தனை பாடல்களும், அவரின் இயல்பிலிருந்து முற்றிலும் மாற்றி தமக்கெனப் பாடச்சொல்வார்ராஜா. ( சுருக்கமாகச்சொன்னால் பாடுவதில் சுதந்திரம் கிடைக்காது ராஜா’விடம் :-)). அதனாலேயே இந்த MaleVersion ல் எனக்கு உடன்பாடில்லை.

கிரிக்கெட்டில் தோனி எப்பவுமே ஸிக்ஸர் அடிக்கிறதில்ல. Ones and Twos மற்றும்சில சமயங்களில் Boundry-யுமாக அடிப்பது போலவே ராஜா சாரின் இசை இந்தப்படத்திற்கு. நாமும்கொஞ்சம் காத்திருக்கலாம் படத்தின் பின்னணி இசையை அனுபவிக்க..!

தேஜாவு ( Déjà vu )

2012-02-04T12:34:00.000+05:30

வல்லினம் இதழில் வெளியான கவிதை

நான் நிலைப்புடன் நிற்க
உலகம் என்னைச்சுற்றுகிறது
வளைந்து நெளிந்த பிம்பங்கள்
உருவத்தில் தன் இயல்பைவிட
பெரிதாகின்றது
அல்லது சிறிதாகின்றது
இப்போதெல்லாம் என்னை நானே
வெளியிலிருந்து காண முடிகின்றது

எனது கவலைகள் அனைத்தும்
துப்புரவாக நீக்கப்படுகிறது.
என் முழு இதயமும்,
மனமும் உடலும்
உச்சக்கட்ட உணர்வுக்கும்
ஒளிவெள்ளத்துக்கும்
எழுச்சி அடைந்து நிற்கிறது.
எல்லையற்ற பேரானந்தமும்
நம்பிக்கையும் நிறைந்து
நிற்கச்செய்கிறது.

இப்போதெல்லாம்
என்னைக்கொடுமைப்படுத்த
பிறரால் இயல்வதில்லை
அடக்குமுறையை என்னில்
ஏவ அவர்களிடம் ஆற்றல்
இருப்பதில்லை
என்னைத்திட்டமிட்டு கொலை
செய்வதும் அவர்களால்
இயலாது போய்விட்டது.

இது ஏற்கனவே கேட்டது,
இல்லை இது புத்தம் புதியது,
அதி மகிழ்ச்சி,
உச்சக்கட்ட உணர்ச்சிக்குவியல்,
சில சமயம்
கடவுளிடமிருந்தும்
எனக்கு செய்தி வருகிறது.

அந்த ஒளிவெள்ளம்
மீண்டும் எப்போது வரும்
அது கொடுக்கும் இன்பமும்
பெரும் மகிழ்வும்
எனக்கு மிகவும்
பிடித்துதான் போய்விட்டது.

மயிலு : இளையராஜாவின் தீராத இசை வெள்ளம்

2012-01-30T19:44:00.000+05:30

மயிலு இசை விமர்சனம்

எவையெல்லாம் இசை என்று கூறத்தகுதியில்லையோ அப்படிப்பட்ட இப்போதையஇசைக்கு மத்தியில் , இந்த மயிலின் இசை கொண்டு வந்து கொடுத்திருக்கிறார் ராஜா சார் நமக்காக.இன்னும் கொலவெறி’யோட சுத்திக்கிட்டு இருக்கிற தமிழ்கூறும் நல்லுலகத்துக்கு அருமருந்தாகஇந்த எண்பதுகளின் இசை மீண்டும் அவரின் பறைசாற்ற வந்திருக்கிறது. எனக்கென்னவோ ஜெயா ப்ளஸ்’ஸஆன் பண்ணிவிட்ட மாதிரி ஒரு Feeling. மயிலிறகின் தென்றலாக நம்மை வருடிச்செல்கிறது அத்தனைபாடல்களும்.அவரின் அதே மண் மணம் மாறாத இசை. அனைத்துப்பாடல்களிலும் இக்கால இசைக்கென/பாணிக்கெனத்தம்மை எந்த விதத்திலும் விட்டுக்கொடுக்காமல் மேலும் தமது பாணியிலிருந்து கிஞ்சித்தும்மாறாமல் அதே பாணியில் இசையைக் கொடுத்திருக்கிறார் ராஜா சார். அனைத்துப்பாடல்களும் வில்லுப்பாட்டின்இசையை ஒத்திருப்பதாக , உருக்கொண்டு இசைப்பதாகவே எனக்குத் தோன்றுகிறது. அந்த 16 வயதினிலேமயிலு போலவே , இன்னும் இளையராஜாவின் இசைக்கு வயது பதினாறேதான் என்று நிரூபிக்கிறதுஅத்தனை பாடல்களும்..!

நம்மளோடபாட்டுதாண்டா

கார்த்திக், திப்பு மற்றும் சைந்தவி இணைந்து பாடிய பாடல் ,“ நம்மளோட பாட்டுத்தாண்டா ஒலகம் பூரா மக்கா, கண்டபாட்டக்கேக்க நாங்க காணப்பயறு தொக்கா..?!“ என்று ஆரம்பிக்கும் பாடல் “வேற எந்த பாட்டயும் நாங்க உள்ளவிடமாட்டோம்” என்று திப்பு’வுடன்கார்த்திக்கும் தொடர்கிறார். தொடக்கத்தில் வில்லுப்பாட்டு கோஷ்டியினரின் பாடல்கள் போலஉருப்பெற்றிருக்கும் பாட்டு தொடர்ந்தும் அதே பாணியில் பின்னால் கோரஸ் ஒலிக்க கை விரல்களால்நம்மை தாளம் போடவைக்கும் பாடல். இப்டி ஒரு பாட்டு கேட்டு எத்தன நாளாகுது..?! ஹ்ம்..யுவன் கூட “கோவா”வில ஒரு பாட்டு போட்ருந்தார் , ஏறக்குறய இதே பாணீல..ஐயா இத இப்டித்தான்சொல்லணும் , அய்யா பாட்ட பாத்து மகன் போட்ருந்தார்னு :-)

இப்பல்லாம் ஊர்த்திருவிழாவில என்ன பாட்டு போட்றாங்கன்னு பாத்தா இன்னும் கரகாட்டக்காரனும்,“ஒத்த ரூவா தாரேன்” பாட்டுந்தான் ஓடிக்கிட்டுருக்கு, இனிமே இந்தப்பாடல் ஒலிக்கும் அத்தனைதிருவிழாக்களிலும். 1:47 ல் தொடங்கும் ஷெனாயின் ஒலியுடன் “தப்பு” வாத்தியம் பின்னர்தாளத்திற்கென சேர்ந்து கொள்ள அது தொடர்ந்தும் 2:10 வரை ஒலிக்கிறது.ராஜா சார் எப்பவுமேஒரே நோட்ஸ பல காற்றுக்கருவிகள் வாசிப்பவருக்கு கொடுத்து [ க்ளாரினெட் , புல்லாங்குழல்,ஷெனாய் போன்ற ] ஒரே நேரத்திலும் அந்த நோட்ஸ்களை வாசிக்கச்சொல்வார் , அதனால இந்த வாத்தியத்துலதான்இசை வருகிறதுன்னு சாதாரண காதுகள் கொண்ட நம்மால பிரித்தறிவது மிகக்கடினம்.சிம்ஃபொனிஇசைப்பவருக்கு இதெல்லாம் என்ன ஒரு பெரிய விஷயமா..?! ஹ்ம்..?! பிறகு 2:10 லிருந்து2:20 வரை அதே நோட்ஸை வயலின்,மாண்டலின் மற்றும் லீட் கிட்டாரில் வாசிக்க முதல்interlude முற்றுப்பெறுகிறது. பின்னர் திப்பு’வேபாடத்தொடங்குகிறார் முதல் சரணத்தை. “செந்தூரப்பொட்டு மாறி இப்ப ஸ்டிக்கராகிப்போச்சு “ என்று அடிக்குரலில்திப்பு பாடும்போது இதுகாறும் முப்பது ஆண்டுகளாக நம்மை மயக்கிக்கட்டிப் போட்டிருந்தஹார்மனி பின்னில் இசைக்கிறது சைந்தவி மற்றும் பிற பெண்களின் குரல்களில்.. ஐயா சாமி,,இப்பல்லாம் இதெல்லாம் கேக்கவே முடியிறதில்லீங்கோ….தொடருங்க..:-) 3:14 ல் தொடரும்தவில் இசையுடன் பின்னர் சேரும் ஷெனாயும் , மத்தளம் கொஞ்சம் எதிர்நடை கொடுக்க , திப்புவேஇரண்டாவது சரணத்தையும் பாட கோரஸ் அவ்வப்போது வந்து செல்கிறது , Typical RaajaStyle குதூகலமான பாட்டு..!

துக்கமென்னதுயரமென்ன

ரீட்டா என்ற ஒரு புதுப்பாடகியுடன் ஸ்ரீராம் பார்த்தசாரதி இணைந்துபாடும் பாடல்.எனக்கென்னவோ பாடல் தொடங்கியவுடனே “நிலவே முகம் காட்டு” ( எஜமான் படத்தில்இடம் பெற்ற பாடல் ) மற்றும் “முத்துமணி மால “ ( சின்னக்கவுண்டர் படப்பாடல் ) தான் ஞாபகம்வந்து விட்டது. மனதை உருக்கும் பாடல் முற்றிலும். முதல் Interlude ,violin மற்றும்புல்லாங்குழலுடன் 0:56 ல் தொடங்கி பின்னர் Synthesizer உடன் 1:18 ல் முடிவடைய ஸ்ரீராம்தொடர்கிறார் முதல் சரணத்தை. இரண்டாவது Interlude கொஞ்சமே வந்தாலும் , பாடல் வரிகளுக்குமுக்கியத்துவம் கொடுத்து சீக்கிரமே முடிந்துவிடுகிறது. பாடல்களில் இரண்டுInterludes களையும் , வேறுவேறாக இசைத்தது , அவர் இசைக்கத்தொடங்கிய காலத்திலிருந்தேராஜா சார் மட்டுமே.அதுவரை ஓரே மாதிரியான Interludes களையே தமிழ்கூறும் நல்லுலக மக்கள்கேட்டு வந்தனர். இந்தப்பாடலிலும் ராஜா சார் இரு வேறு இசைத் துணுக்குகளை இரண்டுinterludesகளுக்கும் பயன்படுத்தியிருக்கிறார். இந்தப்பாடலை “இலங்கை வானொலி’ல (அதெல்லாம்ஒரு காலம் மக்கா ) , இரவு பத்து மணிக்குமேல் , இரவின் மடியில் என்று B.H.அப்துல் ஹமீத்இசைப்பார். அந்த நிகழ்ச்சிக்கான மிகப்பொருத்தமான இரவுச்சூழலுக்கான பாடல்,இதைக்கேட்டபிறகு உங்களுக்கு நிம்மதியான உறக்கம் வரவில்லை என்றால் என்னிடம் வாருங்கள்..! :-)

யாத்தேஅடி யாத்தே

பவதாரிணி தான் சிரமப்பட்டு “யாத்தே யாத்தே” என்று ஆரம்பிக்கிறார்.“ பாவிப்பய பாத்தே கொல்லுற்யான்” என்றும் தொடர்கிறார்.இருந்தாலும் அந்தப்பாடலுக்குத்தேவையான விரகத்தை தன் குரலில் காட்ட மிகவும் சிரமப்பட்டிருக்கிறார். இயக்குனர் பாலச்சந்தர், “தாஜ்மகால்” பட ஆரம்ப விழாவில பேசினது தான் எனக்கு நினைவுக்கு வருது.அந்த நிகழ்ச்சிலஅவர் பாரதிராஜாவை பற்றி சொன்னார் இப்டி.” என்ன அப்பாவே மகனுக்கு காதலிக்கிறது எப்படி’ன்னுசொல்லிக்குடுக்கிறதில் ஒரு Embarrassment இருக்கும்னு சொன்னது போல , ராஜா சாரே எப்டிதன் மகளுக்கு அத விளக்கி சொல்லிருக்க முடியும்னு,J ரொம்பக்கஷ்ட்டம் தான். “மஸ்த்தானா மஸ்த்தானா” பாட்டுத்தான்முதலில் ராஜா சாரிடம் பவதாரிணி பாடின பாடல்னு நினக்கிறேன்.அப்ப ராஜா சார் இப்டி சொல்லீருந்தார்னுஒரு பேட்டில பவதாரிணி சொல்லிருந்தார். “ சரியா கத்துக்காமவே பாட்ட பாடீட்ட”ன்னு..அதேமாதிரிதான் இந்தப்பாட்டும் இருக்கு,! இருந்தாலும் இடையில பாரதி படத்திற்கென அவர் “மயில் போல பொண்ணு ஒண்ணு “ என்று பாடி தேசீய விருது பெறவும் தவறவில்லை அவர் :-)

Friends படத்திலருந்து தன்னுடைய வழக்கமான Bongos வெச்சிக்கிட்டுதாளத்துக்கென இசைக்கிற பாணிய மாற்றிவிட்டார் ராஜா சார். பின்னர் வந்த பாடல்களில் எதிலும்அந்த Bongos பின்னணி தாள இசையை கேட்கவே நம்மால் முடியல. அதே பாணியில் இந்தப்பாடலும்ஸிந்தஸைஸரே பாடலின் தாளத்திற்கென யன்படுத்தப்பட்டிருக்கிறது. ஓரளவு “ஒளியிலே தெரிவது ( அழகி படப்பாடல்) “ போலஒரு Feelஐ இந்தப்பாடல் தருவதை தவிர்க்க இயலவில்லை.1: 32 ல் Interludeக்கென பவதாரிணிஹார்மனி பாடுகையில் ‘ஓளியிலே’ நன்றாகவே ‘தெரிகிறது’ :-). 2:50 ல் தொடங்கும் இரண்டாவது Interlude முழுக்க ஸிந்தஸைஸரிலேயே இசைக்கப்பட,பின்னணிக்குமட்டும் தபேலா சேர்ந்து கொள்கிறது தாளத்திற்கென. பின்னர் கூடவே தொடர்கிறார் ஸ்ரீராம்பார்த்தசாரதி.

என்னகுத்தம்

வழக்கமான கரகரப்பான ராஜா சாரின் குரலில் ஆரம்பிக்கும் பாடல், காட்சிகளின் பின்னணியில் ஒலிப்பதெற்கென இசைக்கப்பட்ட பாட்டு போலவே இருக்கிறது. இருந்தாலும்அந்த மதுரக்குரல் இன்னும் நம் மனதை கீறிடத்தவறவில்லை. வயலின் கூடவே பாடுகிறது ராஜாசாருடன். சோகத்தை இழைத்து இழைத்து ஓடவிடும் பாடலுக்கு உரம் கொடுக்கும் அதிர்வில்லாதபின்னணி இசை. “நானானனா “ என்ற ராஜா சார் பாடும் பாடல்களில் எப்போதும் காணக்கிடைக்கும்ஹார்மனி இந்தப்பாடலிலும் ஒலிக்கத்தவறவில்லை. ஒலம் ஒலிக்கிறது பாடலில். சமீபத்திய ராஜாசாரின் நிகழ்ச்சியில் “பிரகாஷ்ராஜ்” கேட்டுக்கொண்டதற்கிணங்க அவர் தமது பழைய பாடல்களில்ஒன்றை அவர் குரலிலேயே பாடியது போலவே இருக்கிறது இந்தப்பாடலும்..!

கல்யாணமாம்கல்யாணம்

கல்யாணமாம் கல்யாணம் என்று குதூகலமாக ஆரம்பிக்கிறார் சின்னப்பொண்ணு.“ஒத்த ரூவா தாரேன்” பாடலின் பின்னணி தவில் போல தொடங்கும் இசையுடன் தொடர்ந்தும் பாடுகிறார்சின்னப்பொண்ணு.முதல் Interlude 1:15ல் நாதஸ்வரத்துக்குப் பின்னரான புல்லாங்குழல் இசை’யைஇப்போதும் “அருண்மொழி”யே வாசித்திருக்கக்கூடும். அத்தனை நேர்த்தி ,அத்தனை கச்சிதமாகஒலிக்கிறது , பாடலின் Tempoவிற்குத்தகுந்த மாதிரி..! :-) பாடல் முழுக்க நாதஸ்வரமும் ,தவிலுமாகநமது முந்தைய ஊர்த்திருவிழாக்களை ஞாபகப்படுத்தத் தவறவில்லை. :-)

காஃப்கா'வின் குட்டிக் கதை

2012-01-26T11:40:00.000+05:30

"அந்தோ"! என்றதுஎலி,

"ஒவ்வொரு நாளும் உலகம்முழுமையும் சிறிதாகிக் கொண்டேவருகிறது. ஆரம்பத்தில் நான் பயப்படும் அளவுக்கு இது பெரிதாகஇருந்தது, நான் ஓடினேன் ஓடினேன், ஓடிக்கொண்டேயிருந்தேன், தூரத்தே வலது புறமும் இடதுபுறமும் சுவர்கள் தோன்றியதைக் கண்டு மகிழ்ந்தேன், ஆனால் இந்தச் சுவர்கள் விரைவில் குறுகத்தொடங்கின, நான் இப்போது கடைசி இடத்திற்கு ஏற்கனவே வந்து விட்டேன், ஆனால் இங்கு எனக்காகபொறி ஒன்று காத்திருந்தது, அதற்குள்தான் நான் செல்லவேண்டுமாம்".

"நீ உன் திசையை மாற்றவேண்டியதேவை உள்ளது" என்ற பூனை, அதனை சாப்பிட்டது.

என்னைப் போலவே..

2012-01-21T08:15:00.000+05:30

ஆனந்தவிகடனில் வெளியான கவிதை

சூழ்ச்சி வலையில்
சிக்க வைத்து எதையும்
கிடைக்கவிடாமல் செய்வதில்
அவர்களை
எனக்கு மிகவும் பிடிக்கும்

நம்ப வைத்து கடைசியில்
கழுத்தறுப்பவர்களை
எனக்கு மிகவும் பிடிக்கும்

நயவஞ்சகமாகப்பேசி
தனது சொல்லை என்னிடம்
நிலை நாட்டிக்கொள்பவர்களை
எனக்கு மிகவும் பிடிக்கும்

அதிரடியாக நுழைந்து
த்வம்சம் செய்பவர்களைக்காட்டிலும்
கனிவுடன் நயமாகப்பேசி
நஞ்சு வைத்துக்கொல்பவரை
எனக்கு மிகவும் பிடிக்கும்

தன் வலையில்
உறுதியாக வீழ்ந்துவிட்ட இரையை
அதை உணரச்செய்யாமல்,
தம் கண்களில் காட்டிக்கொள்ளாமல்,
உள்ளுக்குள் ரசிப்பவர்களை
எனக்கு மிகவும் பிடிக்கும்

தன் வலையில்
வீழக்காத்திருப்பவர்களை,
காலம் கனிய வேண்டி
காய் நகர்த்துபவர்களை,
எனக்கு மிகவும் பிடிக்கும்.

தப்பிக்க வழியின்றி
அனைத்தையும்
ஒவ்வொன்றாக மூடி
கடைசியில் உரக்கச்சிரிப்பவர்களை
எனக்கு மிகவும் பிடிக்கும்

முகத்தை இறுக்கமாக
வைத்துக்கொண்டு
உள்ளுக்குள் நகைத்துக்
கொண்டிருப்பவர்களை
எனக்கு மிகவும் பிடிக்கும்.

விடாத பிடிவாதத்துடன்
இருப்பவரை அவரின் வலுக்குறைவு
அறிந்து வீழ்த்துபவரை
எனக்கு மிகவும் பிடிக்கும்.

எவ்வளவோ முறை சொல்லியும்
அவர்தம் வழிக்கு வராதவர்களை
அவர் வழியிலேயே தொடர்ந்துசென்று
சமயம் பார்த்து
போட்டுத்தள்ளுபவர்களை
எனக்கு மிகவும் பிடிக்கும்.

உன்னை வீழ்த்தவே முடியாதா
என்று வாய்விட்டுக்கேட்டே
முதுகில் குத்துபவரை
எனக்கு மிகவும் பிடிக்கும்.

இத்தனை பிடித்தங்களும் உள்ள
என்னை உங்களுக்கும் பிடிக்கும்.
உங்களை எனக்குப்

பிடித்துப்போனது போல.

(ஆனந்தவிகடன் 25-01-2012 இதழில் வெளியான கவிதை)

.

ஊறிய பிறகு

2012-01-18T09:44:00.000+05:30

கீற்று இதழில் வெளியான கவிதை.

இறுகி முறுக்கிக்கொண்ட
என் மரக்கதவுகள்
குளிர்காலம் வந்துவிட்டதை
எனக்கு உணர்த்துகின்றன
அடித்துச்சாத்திய காலங்கள்
கடந்து விட்டன
ஒலி எழுப்பாது
சாத்திக்கொள்ளும் அவை
எவ்வித எதிர்ப்பும்
தெரிவிக்காத என்னையே
பல சமயங்களில்
எனக்கு நினைவுறுத்துகின்றன
ஈரமிருப்பின் எல்லாம்
சுளுவாகிப்போவதை.

3 இசை விமர்சனம்

2012-01-14T16:51:00.000+05:30

ALife Full Of Love

பியானோவின் நோட்ஸுடன் தொடங்கிப்பின் அதே நோட்ஸ்களை வயலின் இசையோடுதொடரும் தீம் ம்யூஸிக், கொஞ்சம் சைனீஸ் டச்சுடன் ஒலிக்கத்தொடங்கி , தொடர்ந்தும் நம்மைகூடவே அழைத்துச்செல்கிறது. ரஹ்மான் சொல்லுவார் அதிகமா சைனீஸோட இசையில சிந்துபைரவி ராகம்கொஞ்சம் அதிகமாகவே பயன்படுத்துவாங்கன்னு, அதோட அவங்க இசையின் அடிப்படையும் அதுவாவேதான்இருக்கும், கொஞ்சம் விவரம் தெரிஞ்சவங்க சொல்லுங்க இதுல சிந்துபைரவி டச் இருக்கான்னு.இன்னும் தொடர்ந்தும் கேக்கும்போது எனக்கு யானி’யோட Tribute-ம் , இங்க டெல்லி கன்செர்ட்டுக்குவந்திருப்ப வாசிச்சார்.அந்த ட்ரிப்யூட்’டோட வாசனையும், நம்ம ரஹ்மானின் பாம்பே தீம்ம்யூஸிக்கும் கலந்து ஒலிப்பது போலத்தானிருக்கு, இசைச்சேர்ப்பு மற்றும் கலந்தொலிக்கும்போது எனக்கு யானி’யும் ரஹ்மானும் தான் நினைவுக்கு வருகின்றனர்.கேட்டுப்பாருங்க…உங்களுக்கும்காதல் மூட் வருதா இல்லியான்னு..ஆனா தம்பி அனிருத்துக்கு ஏற்கனவே பிரவாஹமா பொழியுதுன்னுதான் தோணுது. A Life Full Of Love :-)

Yanni’s Tribute : http://www.youtube.com/watch?v=PooVtv_fP0g

Bombay Rahman’s Theme : http://www.youtube.com/watch?v=zvQbZNT8eeU

போ நீபோ

மோஹித் சௌஹானும் அனிருத்தும் இணைந்து பாடின பாடல். கொஞ்சம் நம்மயுவனோட “ஓ இந்தக்காதல் என்னும் பூதம் “ ( சத்தம் போடதே படத்திலிருந்து) உள்ள பாடல்போல ஆரம்பத்தில் ஒலிக்கிறது.ஹ்ம்..கொஞ்சம் 6-8 ல இருக்குற Tempo’ வக்குறச்சு 2-4 ல கேட்டுப்பாருங்கஅதே பாட்டுதான்..So இந்தப்பாட்டுக்கு யுவன்..! :-) இருந்தாலும் Perfect Match’ன்னா “ஓ சனம்,முஹப்பத்கீ கஸம்” என்ற கொஞ்சம் பழய நம்ம லக்கி அலி’யோட பாடலை அச்சசல் நினைவுறுத்தவும் தவறவில்லை.இருப்பினும்சாயல் தெளிவாகத்தெரியாமல் பார்த்துக்கொள்கிறார் அனிருத். மோஹித் சௌஹானின் குரலும், லக்கி அலியின் கொஞ்சம் Boss கூடின குரலும் ஒன்று போல அமைந்திருப்பதும் அந்தப்பாடலைதொடர்ந்தும் நினைவில் நிறுத்துகிறது. ஆஹ் ஆஹ் என்று பின்னிலிருந்து உயிர் போவதுபோல், சித்ரவதைக்குட்பட்டவர் போல, கத்தும் Effect கேட்கும்படித்தான் இருக்கிறது. பாடலைத்திசைதிருப்பாமல் ..! பாடல் மொத்தமும் இசைச்சேர்ப்பு , ஒலிக்கலவை , ஸிந்தஸைஸரில் செய்ததுபோலவே தெரியுது,,:-)

நீ பார்த்த

பின்னணியில் முழுக்க ஒலிக்கும் வயலின் ,எனக்கு “ந்யூயார்க் நகரம்”பாடலையே நினைவூட்டுகிறது. அருமையான மெலடியாக உருவெடுத்துக்கிறது. “நீ பாதி நான் பாதி” பாடல் ஸ்டைல் தான் (கேளடி கண்மணி)Same Treatment பாடல் முழுக்க. பாடலின் Mood-ஐ தவிர்த்துவிடாமல் தொடர்ந்தும் செல்லவைக்கிறது.ஆனாலும் பாடலின் Interludes ரசிக்கும்படியில்லை. அனிருத் இன்னும் கொஞ்சம் உழைத்திருக்கலாம்னுதோணுது.. :-)

கண்ணழகா

ஒண்ணுமில்ல…நம்ம ராஜா சாரோட How To Name it-ல ஒரு ‘Is ItFixed’ன்னு சின்ன Master Piece இருக்கு, கொஞ்சம் அதக்கேட்டுட்டு இந்தப்பாட்டக்கேளுங்க.அனிருத்கிட்ட கேட்டா Just Inspired ன்னு சொன்னாலும் சொல்லிருவார். என்ன இருந்தாலும்அது Original மாஸ்டரோட Piece அல்லவா..?! J இருந்தாலும் பாட்டின் இடையிலவர்ற பூவின் மடல் போல விரியும் ரெண்டு Interludes –லயும் மனிதர் ரொம்பவே அசத்துறார்.GuitarE Major String-ல ஆரம்பிக்கிற பாட்டு அப்டியே நம்ம மனசோட அத்தனை Stringsஐயும் தொட்டுவிட்டுத்தான்செல்கிறது.Guitar-உடன் பின்னர் violinம் சேர்ந்து கொள்ள , மனதைக்கொள்ளை கொள்கிறது..!1^st Interlude-ஆக 1:04 லருந்து 1:12 வரை , அப்டியே நம்ம ராஜா சாரோட Isit Fixed :-) தான், பிறகு 2:36 ல் ஆரம்பிக்கும் Interlude-ல் பூவின் இதழ் போல் விரியும் வயலினும் பின்னர்புல்லாங்குழலுமாக மனதைக்கொள்ளை கொள்கிறது…என்னைக்கேட்டா இந்தப்பாட்டு தான் ஸூப்பர்படத்துலயே…அதோட ஸ்ருதி நிஜமாகவே கொஞ்சுகிறார் நம்மோட..!

How To Name it “Is it Fixed“ http://www.youtube.com/watch?v=MPU4lPyopKI

Themeof 3

ஸ்பானிஷ் பின்னணி போல ஆரம்பிக்குது தீம் , ஆ ஹோ என்ற பின்னணிபிறகு சேர்ந்துகொள்ள , தொடர்ந்தும் Mandolin Strings இசைக்கிறது.ஹ்ம்..ஒண்ணும் சொல்லிக்கிர்றமாதிரி Impress பண்ணல..! :-) SorryAnirudh. Theatrical Thriller க்கு வேணா Use பண்ணிக்கலாம் இதை.. :-)

The Rhythmof Love

சிவதாண்டவம் போல ஆரம்பிக்கிற தாளத்துக்கேற்றவாறு பின்னால புல்லாங்குழல்சேர்ந்திசைக்கிறது..கொஞ்சம் நம்ம யுவனோட “தொட்டுத்தொட்டுப்போகும் தென்றல்” (காதல் கொண்டேன்) போல இசைக்கிறது இந்த இசைத்தொகுப்பு..ஒருவேள படத்துல காட்சிகளோட பார்க்கும் போது வேண்ணா Impress பண்ணும்னு நினைக்கிறேன்.

இந்த ஒரு படத்தை வைத்து எடை போடமுடியாது , ஏற்கனவே உலகப்புகழ்வாங்கிட்டார்னு சொன்னாலும், தம்பி அனிருத்’கிட்ட சரக்கு இருக்கத்தான் செய்யுது.அதைரொம்ப தைரியமாவே காட்டீருக்கார் எல்லாப்பாட்டுலயும்…! “வாகை சூடவா “ ஜிப்ரான் போல நமக்குஒரு Promising Talent கிடைத்திருக்கிறதுன்னு தான் சொல்லணும். ஒரு பாட்டில் உலகப்புகழ்என்கிறதால எதிர்பார்ப்பும் அதே மாதிரி தான் இருக்கும் இனி அவரிடமிருந்து வரும் அத்தனைபாடல்களுக்கும்..! சொல்லப்போனா ராஜா, ரஹ்மான், மற்றும் யுவனின் இசைக்கலப்பு போலத்தான்தெரியுது எல்லாப்பாடல்களும்..! இருப்பினும் தமது இசையைப் பிறர் சாயலின்றி தொடர்ந்தும்வெளிப்படுத்துவாரேயானால் வெற்றிகளைக்குவிப்பது உறுதி…!!

வாழ்த்துகள் அனிருத்…!

பயம்

2012-01-13T09:33:00.000+05:30

நவீனவிருட்சத்தில் வெளியான கவிதை

திருவிழா
விடுமுறையின்
கடைசி நாள் இரவில்
வரும் அடுத்த நாள்
பள்ளிக்கூடப்பயமும்,
ஞாயிறு இரவு
சினிமாவின்போது வரும்
அடுத்த நாள்
அலுவல் பயமும்
ஒன்றாகத்தான்
தோணுகிறது.

பரிணாமம்

2012-01-09T09:29:00.001+05:30

உயிரோசையில் வெளியான கவிதை

ஒரே ஒரு புள்ளி
சுழிப்பரிமாணம்.

இரண்டு புள்ளிகளை
இணைக்கும்
ஒற்றை நேர்கோடு
ஒற்றைப்பரிமாணம்.

அந்த நேர்கோட்டுக்கு செங்குத்தாக
சற்று உயரத்தில் ஓர் இணைகோடு
வரைந்து அவைகளை இணைத்து
ஒரு சதுரம் உண்டாக்கி
அந்த சதுரத்திலுள்ள புள்ளியை
வலது இடது மேலே கீழே
நகற்ற முடிந்தால்
அது இரண்டாம் பரிமாணம்.

இதே போல் இரண்டு சதுரங்களை
எடுத்துக் கொண்டு
ஒரு சதுரத்தின்
நான்கு மூலைப்புள்ளிகளை
அடுத்த சதுரத்தின்
நான்கு மூலைப் புள்ளிகளுடன்
இணைத்து
ஒவ்வொரு முகமும் சதுரமாகவும்
ஒவ்வொரு உச்சந்தலையிலும்
மூன்று முகங்களுமாக
ஒரு கனசதுரம்
உண்டாக்கினால்
அது மூன்றாம் பரிமாணம்.

முதல் கனசதுரத்தின்
எட்டு உச்சந்தலைகளை
அதேபோலுள்ள
இரண்டாவது கனசதுரத்தின்
எட்டு உச்சந்தலைகளுடன்
சேர்த்தால் கிடைப்பது
மிகை கனசதுரம்.
அது நான்காவது பரிமாணம்.

ஆறு முகங்களும்,
எட்டு உச்சந்தலைகளும்,
பன்னிரெண்டு விளிம்புகளும்
கொண்ட நான்காம் பரிமாண
கனசதுரத்திலிருந்துகொண்டு
முதலில் தொடங்கிய
சுழிப்பரிமாணத்தை
தேடிக்கொண்டிருக்கிறேன்.

புறக்கணிப்பின் வலி - அனிருத்

2012-01-07T13:56:00.001+05:30

'கொலவெறி' பாடலுக்கு இசையமைத்த அனிருத் இளையராஜா'வின்சமீபத்திய நிகழ்ச்சியை உட்கார இடம் தரப்படாமல் ஓரமாக நின்று கொண்டே பார்த்தார்.அதேஅனிருத்'தைப்பற்றிய கேள்விக்கு ரஹ்மான் "no comments" என்று பதிலளித்தார்# நீங்களே கண்டுக்கலன்னா அந்தப்பையன் எப்டி சார் முன்னேறுவான்..?! ஏனிந்தக்கொலவெறி???இதேபோல முதலில் சகபடைப்பாளிகளால்புறக்கணிக்கப்பட்டவர்கள் தானே இருவரும்..? அப்றமும் ஏனிந்தக்கொலவெறி..?

ஒருத்தர் ஆன்மீகத்துல கரை கண்டவர், இன்னொருத்தர்"எல்லாப்புகழும் இறைவனுக்கே"ன்னு சொல்லிக்கிட்டு அலைகிறவர்..இப்டி இருக்குறவங்களாலேயேசகபயணி ஜெயிக்கிறத சகிச்சுக்க முடியலன்னா எப்டி ...?! ரொம்ப வருத்தமா இருக்கு சார்.!Dam 999 க்கு இசையமைத்தவர்க்கு ஆஸ்கார் கிடைக்கட்டும்னுபாராட்டத் தெரிஞ்சவருக்கு இந்தப்பையனப்பத்தி நாலு வார்த்தை சொல்லத்தெரியாதாமா..?! Specificஆ கேட்டும் பதில் சொல்ல விருப்பமில்லைங்கறதஎன்னான்னு சொல்றது ?

ஒரு விஷயத்தப்பத்திக் கருத்தே சொல்லாம ஒதுக்குறதுதான் பெரிய வலி.நாலு வார்த்த திட்டிட்டுப்போனாக்கூட அங்கீகரிச்சு அதத்திட்றதாத்தான்நினைக்கத்தோணும். எதுவும் பேசாமப்போனா அத ஒதுக்குறதாத்தான் தோணும்.இதை வளர்ந்துவிட்டகலைஞர்கள் வேணா சகிச்சிக்கிட்டுப்போயிறலாம். ஆனா ‘அனிருத்’ இப்பதான் மொளச்சு ‘மூணு’எல விட்ருக்கார். எம்.ஜி.ஆர் சிவாஜி காலங்கள்ல , டி.எம்.எஸ்’ஸுக்கும்/விஸ்வனாதன் ராமமூர்த்திக்குநேர்ந்த கதி தான் இப்ப இவருக்கு நேர்ந்துக்கிட்டிருக்கு. அருணகிரினாதரில் டி.எம்.எஸ்பாடி/நடிச்சதப்பாத்துட்டு , இவருக்காகத்தான் எம்ஜியாரும் சிவாஜியும் மாறிமாறிப்பாடீருக்காங்கப்பாஎன்று கூறிய காலங்கள் தான் நினைவுக்கு வருது,

ஏதோ நம்மளப்போல போட்டி,பொறாமை, அடுத்தவனுக்குபுகழ் வர்றத தாங்கிக்க முடியாத சாதாரண மனிதர்கள் இல்ல அவங்க.ஏற்கனவே ஒரு நிலையை அடைந்து, இதுக்குமேலயும் எந்த விருதுகளும் வாங்கித்தான் அவங்களுக்கு பேர் வரணும்ங்கறதுமில்ல.இந்த நிலைக்குவந்த பிறகும் அவங்களால இந்தப்பையனின் அபரிமித வளர்ச்சியப்பொறுத்துக்க முடியலங்கறத நினைச்சாரொம்ப வருத்தமா இருக்கு சார்.

தனுஷ் இதே காலகட்டத்தில நிறையப்பாடல்கள்பாடிருக்கார். அந்தப்பாடல்கள்ல எல்லாம் கிடைக்காத புகழ் இந்தக்’கொலவெறி’ல தான் அவருக்குகிடைச்சிருக்கு..! ஏன் ?..அழகான கேட்சி ட்யூனும் , குழப்பாதஇசைச்சேர்க்கையும், நம்ம பாரம்பரிய இசைக்கருவிகளை நாதஸ்வரம் தவில் மற்றும் ஷெனாய் வைத்தும்என ஏற்கனவே நமக்கு மிகவும் பரிச்சயமான விஷயங்கள மட்டுமே உள்ளடக்கியதால எல்லார் மனங்களிலும்லகுவாக இடம் பிடித்தது. இந்த இசைக்கருவிகள் வெளிநாட்டினர்க்கு பரிச்சயமில்லாது, ரொம்பவும்புதிதாகத்தெரிவதனால் அங்கயும் ஒங்கி அடிச்சிருக்கு.

“கமல் ஐம்பது விழா” வில் மம்மூட்டி பேசினதுஎனக்கு ஞாபகம் வருது.இப்ப எனக்கு முன்னாடிப்பேசினவங்கள்லாம் வெறும் வாயால பேசினாங்க,உள் மனதிலருந்து யாரும் பாராட்டினதாத்தெரியலன்னு. எவ்வளவு நிலை உயர்ந்தாலும் , தனதுசுயநலத்தைப்பற்றிய சிந்தனையும், தனக்குக்கிடக்கும் புகழ் போல இன்னொருவனுக்கு கிடைத்துவிடக்கூடாதுங்கறநினைப்பும் இருக்குற இவங்களையெல்லாம் எங்க கொண்டுபோய் நிறுத்தும்..?! இவங்களுக்கெல்லாம்ஞானி,புயல்’ங்கற பட்டங்களெல்லாம் எதுக்கு,,?!

கடைசிக்கொசுறு : மன்மோஹன் சிங்கின் இரவுவிருந்திலயும் அனிருத்துக்கு இடம் இல்லை.! தனுஷும் அவர் மனைவியும் சேர்ந்து உண்ட விருந்திலபங்கு கிடைக்கல அனிருத்துக்கு..!

பொதுவாவே அடுத்த தலைமுறை கொஞ்சம் வெளஞ்சேவர்றது யாருக்குமே புடிக்கிறதில்ல..அதுல இசைத்துறையும் விதிவிலக்கில்லங்கறது இப்ப மீண்டும்ஒருமுறை நிரூபணம் ஆகியிருக்கிறது.

சங்கத்தில் பாடாத கவிதை

2012-01-06T08:24:00.000+05:30

உயிரோசை'யில் வெளியான கவிதை

எழுதிக்கொண்டிருந்த
கவிதையை
தென்றல் அடித்து
கலைத்துக்கொண்டிருந்தது

எழுதி முடித்த சொற்களின்
மேல் பல இடங்களில்
அது தன் புள்ளிகளை
கோலங்களை இட்டுச்சென்றது

சில வரிகளில்
சந்திகளில் ஒற்று
மிகுந்து அவற்றை
வலுவாக்கியது

சில வரிகளில்
ஒற்றுகளை சேதப்படுத்தி
சொற்களைத் தனிமையில்
நிற்கச்செய்தது.

இப்படி எல்லாம் செய்த
தென்றல் பாதியிலேயே
விட்டுச்சென்றுவிட்டது

கவிதையை முடித்து வைக்க
இன்னொரு தென்றலை
எதிர்பார்த்துக் காத்திருக்கிறேன்
யாரேனும் அதைக்கண்டால்
கொஞ்சம் என்னிடம்
அனுப்பி வையுங்கள்.

Delusional குரு

2012-01-04T08:01:00.000+05:30

உயிரோசை'யில் வெளியான திரைவிமர்சனம்

கற்பனைல நடக்கிறதயும், நனவில நடக்கிறதயும் பிரித்துப்பார்க்க இயலாத ஒருவனின் கதை இந்த (Delusional குரு) மௌனகுரு.(அப்டியே வெச்சுக்கலாம் அதான் நல்லது) "போலீஸ் அவர ஃபாலோ பண்றதாகவும், கண்காணாத இடத்துக்குக் கூட்டிட்டுப் போயி தன்ன என்கவுண்டர் பண்ண முயற்சிக்கிறதாகவும் , அவரா கற்பனை பண்ணிக்கிட்டு தன்னையும் குழப்பிக்கிட்டு, அதோட கூடவந்த இன்னும் ரெண்டு பேர தன் கண் முன்னாலயே போலீஸ் என்கவுன்ட்டர் பண்ணீட்டதாகவும் சொல்லிட்ருக்கார். இத சீக்கிரமே குணப்படுத்தீரலாம், நீங்க நினைக்கிற அளவுக்கு இது பெரிய பிரச்னையில்ல, கல்லத்தூக்கி அடிக்கிற ரகம் இல்ல.பயப்படாதீங்க" அருள்நிதியின் குடும்பத்தாரிடம் மனநல மருத்துவர் சொல்லும்போது நமக்கே கொஞ்சம் சில்லிட்டுத்தான் போகிறது.

"எப்பாடு பட்டாலும் கொஞ்சம் கூட முகபாவனை காட்ட இயலாத ஜென் குரு" போல இருந்த அருள்நிதியா இது என்று நம்மை வியக்கவைக்கிறார்.! இதுவே அவருக்கு முதல் படம்னு சொல்லவைக்கிற மாதிரி அழுத்தமாகவே தன்னை காண்பித்துக்கொண்டு படம் முழுக்க வலம் வருகிறார் அருள்நிதி.இனியாவிற்கு அதிகம் வேலையில்லை, என்னதான் அழகிய சுடிதார் போட்டுக்கொண்டு,கையில் முழுக்க சல்லடையான ஆலிலை இல்லாமல் வந்தாலும் , என்னவோ அந்த உடையில் அவரைப்பார்க்க இயலவில்லை.சேலை கட்டிய தஞ்சாவூரூ மாடத்தி தான் இன்னமும் நம் கண்ணுக்குள் நிற்கிறார்.

அப்பட்டமான, அழுத்தமான ஒரு க்ரைம் த்ரில்லருக்கு என்னென்ன தேவையோ படத்தில் எங்கும் தேடாமல் விரவிக்கிடக்கிறது.இயக்குனர் சாந்தகுமாரின் முதல் படம் என்றே தோன்றவில்லை.அத்தனை நேர்த்தி,காட்சி அமைப்பு, கொஞ்சமும் நம்மை முன்னரே கணிக்கவிடாத திரைக்கதை.மனிதர் பின்னிப்பெடலெடுத்திருக்கிறார். இனியாவை அறிமுகப்படுத்தும் காட்சியில் ஒவ்வொருத்தரின் முகமாகக்காட்டி , நம்மை கொஞ்சம் இருக்கையை விட்டு அசையச்செய்து, கேமரா நமக்கே ஒரு எதிர்பார்ப்பை உண்டாக்குகிறது. பாத்திரத்திற்கேற்ற ஆட்தேர்வு அருமை. போலீஸ் அஸிஸ்டெண்ட் கமிஷனராக வரும் (வ க்வார்ட்டர் கட்டிங்) ஜான் விஜய், சரியான தேர்வு,சொல்லப்போனால் அவர்தான் படத்தின் ஹீரோ போல படம் முழுக்க வியாபித்திருக்கிறார். ஒவ்வொரு அனாவசியக்கொலை நடந்தபிறகும், அதை எங்கனம் சமாளிப்பது,எப்படி எஃப்.ஐ.ஆர் போடுவது என்ற சளைக்காத வில்லத்தனத்துடன் உலா வருகிறார்.

‘அடிச்ச பணத்த பங்கு போட்டுக்கிட்டா லைஃப்ல கம்ஃபர்ட்டபிளா செட்டில் ஆயிடலாம்,என்ன சொல்றீங்க என்று கூடவந்த நான்கு போலீஸ்காரர்களையும் ஆசை காட்டி மயக்குவதாகட்டும்’, ‘இல்லய்யா அவன் வேற பையன் போலருக்கு, நீங்க கூட்டிட்டுப்போன அந்த மூணு பேரையும் போடவேணாம் , விட்ருங்க என்று அசால்ட்டாகச் சொல்லுவதாகட்டும்’, ‘அந்தப்பயல ஜாக்கிய வெச்சு அடிச்சது பின்மண்டையில , அதக்கொஞ்சம் போஸ்ட்மார்ட்டம் ரிப்போர்ட்ல மாத்தி எழுதணும்’ , ‘அந்தப் பழனியம்மா கையில காசே இல்லாட்டாலும் வீணா நீதி நியாயம்னு பேசிக்கிட்டு வீம்புக்கு முறுக்கிக்கிட்டுத்திரியிற கேஸு’ ‘என்று கையை நம்பியார் போல பிசைந்துகொண்டு பேசுவதாகட்டும் என அத்தனை காட்சிகளிலும் ஜான் விஜய் கலக்குகிறார்.

என்கவுண்ட்டரிலிருந்து தப்பி வந்து ஃபாதரிடம் பேசிவிட்டு, பிறகு வீட்டுக்கு வது அம்மாவையும், இனியாவையும் பார்த்துவிட்டு உங்களையெல்லாம் விட்டு ரொம்ப விலகிப்போய்டுவேனோன்னு பயமாயிருக்கு என்று சொல்லும் காட்சியிலும்,. மனநல மருத்துவமனையில் ஒவ்வொரு தடவையும் மருந்து தெளிந்து எழும்போது,நான் எங்க இருக்கேன்னு வழக்கமா எல்லா சினிமாலயும் கேக்றமாதிரி இல்லாம, இப்ப டைம் என்னான்னு தெளிவா கேக்கும்போதும் அருள்நிதி நம்மை ஆழம் பார்க்கிறார்.ஆஸ்பத்திரியிலிருந்து தப்பி வந்து தன்னிலை விளக்கம் கொடுக்கும் காட்சியில் கிழமை மாறாமல், அதை அவரின் அண்ணன், தவறாகச் சொல்லும்போதும், அதைச்சரியாக்கி சொல்லவைத்ததில் அருள்நிதிக்கு ஒன்றும் ஆகவில்லை என்பதை இயக்குனர் விளக்கியிருக்கும் காட்சி அருமை. ஒரு தடவ பைத்தியக்கார ஆஸ்பத்திரிக்கி போய்ட்டு வந்தாலே, அதுக்கப்புறம் ஊர்ல கேக்ற கேள்விக்கும்,பாக்ற பார்வைக்கும் பதில் சொல்லமுடியுமாடா ஒன்னால, ஏண்டா என்னய இந்த நெலமக்கிக் கொண்டு வந்து விட்டீங்கன்னு கதறும் காட்சியில் அருள்நிதி நடிப்பின் அடுத்த கட்டத்துக்கு வெகுவாக நகர்ந்து செல்கிறார்.

படம் முழுக்க பாத்திரத்திற்குத்தேவையான அடிக்குரலிலேயே பேசி நம்மை ஒரு வழியாக்குகிறார்.’நாலு வருஷத்துக்கு முன்னால ஒரு பையன் அந்த ரூமில தூக்குப்போட்டு செத்துப்போய்ட்டான், அதான் அந்த ரூமக்குடுக்க கொஞ்சம் யோசனையாயிருக்கு’ என்று ஃபாதர் சொல்லும்போது , நமக்கு ஏற்படும் சிலிர்ப்பு கூட அவர் முகத்தில் வராது அதே ஜென்குரு முக பாவத்துடன் அமர்ந்திருப்பது கொஞ்சமும் ஒட்டவில்லை. எல்லா காட்சிகளுக்கும் ஒரே முகபாவம் என்பதை ஏற்றுக்கொள்ள கொஞ்சம் கஷ்டமாகத்தானிருக்கிறது.

எனினும் ஒவ்வொரு தடவையும் போட்ட ஊசிமருந்து தெளிந்து எழுந்தபிறகும் , அவர் தமக்கு முன்னர் நடந்த நிகழ்வுகளை கோர்வையாக விவரிப்பது , என்னதான் அவர் ஹீரோவாக இருந்தாலும் பார்க்கும் நமக்கு கொஞ்சம் நம்புவது கடினமாகத்தானிருக்கிறது. தொடர்ந்து தமக்கெதிராக சதி வேலை நடப்பதை தெளிவாகப் புரிந்து கொண்டும் , ஊசி மருந்தின் எஃபெக்ட் தெளிந்தபின்னுமாக , அடிபட்ட புலியாகச் சீறுகிறார் அருள்நிதி.

"செல்ஃபோன ஆன் பண்ணாலே இருக்குற எடம் தெரியுமா இல்ல ஃபோன் பண்ணாதான் தெரியுமாங்கற" அருள்நிதியின் கேள்விக்கு "தள்ளுவண்டீல இட்லி வியாபாரம் பண்றவன்ட்டயும்,ப்ளாட்ஃபார்ம்ல கடை போட்ருக்கவண்ட்டயும் எவ்ளவ் மாமூல் வாங்கணும்ன்னு கேளு தெளிவா சொல்லுவான், இதெல்லாமா தெரியப்போகுது என்று அந்த பைத்தியம் பதில் சொல்லுவது அந்த அவ்வளவு இறுக்கமான இடத்தில் சிரிப்பை வரவழைக்கிறது..!

கதை அருள்நிதி மற்றும் ஜான் விஜயையுமே சுத்தி வருவதால், இனியாவிற்கு அதிக வேலையில்லை.அழுக்குப்படாத சுடிதாரை அணிந்து கொண்டு ,கையில் ஸ்டெதெஸ்கோப் வைத்துக்கொண்டு வந்து செல்கிறார் நம் மனதில் ஒட்டாமல். அன்பேசிவத்திற்குப்பிறகு திரையில் தோன்றும் கர்ப்பிணி போலீஸாக உமா ரியாஸ் அருள்நிதியைச்சுற்றி சதி வேலை நடப்பதையும், அதிலிருந்து அவரை விடுவிக்க தன் சுமையோடு அருள்நிதியின் உள்ளச்சுமையையும் சேர்த்து சுமந்து கொண்டு படம் முழுக்க வந்து நம்மைக்கவர்கிறார்.என்னால இனிமே எதுவும் செய்யமுடியாதுப்பா, ஜான் விஜயிடமே இந்தக்கேஸ ஹாண்டில் பண்ண சொல்லி மேலிடம் உத்தரவு என்று சொல்லும் போது அவரின் மேலிடத்திற்குப்பணிந்து போகும் தன் கையாலாகத்தனத்தை வெகு சிறப்பாகக் காட்டிருக்கிறார். ‘எம்மகனுக்கு புத்தி பேதலிச்சுப்போச்சா, எங்களக்கூடத்தெரியலங்க்றான்’ என்று அருள்நிதியின் அம்மா சுஜாதா அவரோடு சேர்த்து நம்மையும் அழ வைக்கிறார்.

இசையமைப்பாளர் தமனுக்கு சொல்லிக்கொள்ளும் படியான ஏதும் அமையவில்லை.மிகச்சரியாக பாடல்களில் ஒன்றைக்கூட தேற விடாமல் பார்த்துக்கொள்கிறார். ஏறக்குறைய இதே போலான க்ரைம்த்ரில்லர் படமான "ஈரம்" படத்திற்கு இசை அமைத்தது போலவே இதற்கும் இசை அமைத்திருப்பது போலக்காட்டிக்கொள்கிறார். குறிப்பிட்டு சொல்ல வேண்டுமானால் அந்தப் பைத்தியம் சாவிக்கொத்தை நேக்காக தூக்கிக்கொண்டு ஓடி வரும் காட்சியை சொல்லலாம். ஓடி வந்து பிறகு அத்தனை சாவிகளையும் முயற்சி செய்து அருள்நிதியின் அறையைத்திறந்து முடிக்கும் வரை என இருக்கை நுனிக்கு இட்டுச்செல்லும் காட்சிக்கு வலுவான உரம் சேர்க்கும் பின்னணி இசை.பிற இடங்களில் வழக்கமான இம்மாதிரியான க்ரைம் த்ரில்லர்களின் இசையமைப்பையே கொடுத்திருக்கிறார். சலிப்புத்தான் வருகிறது.

படத்தில் பெரிய குறைகள் என்று ஏதும் தென்படவில்லை.முதல் அரை மணிநேரம் படத்தை காந்தத்தின் இரு நேர் துருவங்களை இணைக்கும்போது அவை வலிய விலகிச் செல்வது போல, நம்மை வலுக்கட்டாயமாக இருக்கவைக்க ஒவ்வொரு காட்சியையும் கட்டி இழுத்திருப்பதைத் தவிர்த்திருக்கலாம். மேலும் திமிரு, ராம் மற்றும் சேது படங்களின் சாயல் இருப்பதைத் தவிர்க்க இயலவில்லை.

முந்தைய படத்தில் ஜென்குரு போன்று அடிக்குரலில், அமைதியாக ஆர்ப்பாட்டமே இல்லாமல் நடித்துக்காட்டிய அருள்நிதிக்கு இந்த Delusional குரு ஒரு திருப்புமுனையாக அமையும் என்பதில் ஒரு சந்தேகமுமில்லை.

நேயர் விருப்பம்

2012-01-02T09:06:00.000+05:30

நவீனவிருட்சத்தில் எனது கவிதை

மழைச்சாரலில் நனைந்த
என் கவிதையை
உலரவைக்க தென்றலை
எதிர்பார்த்து காத்திருக்கிறேன்

உலராத உயிர்ப்புள்ள
கவிதையில் மட்டுமே
விருப்பமுள்ளவராயின்
முன்னரே நனைந்துள்ள
உங்களின் ஈர இதயம் காட்டி
என்னிடமிருந்து
கவிதையைப்
பெற்றுக்கொள்ளலாம்

உலர்ந்து தெளிந்த
கவிதையில் மட்டுமே
விருப்பமுள்ளவராயின்
அலங்கமலங்கலாக
சிறிது அழிந்து மறைந்த
எழுத்துகளை உங்கள்
விருப்பப்படி நிரப்பிக்கொள்ள
வேண்டிவரும்.

ஒற்றை மழைத்துளி

2011-12-29T10:05:00.000+05:30

உயிரோசை'யில் வெளியான கவிதை

நேற்றிரவு பெய்த மழையில்
எனது மொட்டுகள் முழுசாக
நனைந்து தான் விட்டன

நீர்த்துளிகள் தொடர்ந்து விழுந்து,
அதன் பாரம் தாங்காது
அவை தொய்ந்து போய்க்கிடந்தன

விரைவில் மலரும் என்று
விழி வைத்துக்காத்திருந்தேன்
பகலவனை எதிர்பார்த்து
மொட்டுகளும் காத்திருந்தன

நேரம் ஆக ஆக
எனக்கு பொறுமையின்றிப்போனது
அவை அங்கனம்
ஏதும் காட்டிக்கொள்ளவில்லை

மழையில் குளித்தெழுந்த
சூரியனும் தன் பூசணம் பூத்த
கதிர்களை மொட்டுகளின்
மீதேவினான்

மெல்லச்சோம்பலுடன்
விரிந்த ஒரு மொட்டு
தம்முள் யாருமறியாது
தேக்கி வைத்திருந்த
ஒற்றை மழைத்துளியை
எனக்கு மட்டும் காட்டியது.

மீன் குழம்பு

2011-12-26T09:01:00.000+05:30

திண்ணை'யில் வெளியான கவிதை

மீன் குழம்பு என்றாலே
எல்லோருக்கும் பிடிக்கும்,
மீன் குழம்பை புளிப்பா காரசாரமா
சுள்ளுன்னு வைக்கணும் என்பார்கள்.
கர்ப்பிணி பெண்கள்,
ஜுரம் வந்து வாய் கசந்தவர்கள்,
பியர் குடித்தவர்கள்,
என எல்லோருக்கும் ரொம்பப் பிடிக்கும்,
மீன் உணவு ஒன்று தான் வெயிட் போடாதது,
எவ்வளவு வேண்டுமானாலும்,
எந்த ஊர் போனாலும் சாப்பிடலாம்.
அதில் இது ஒரு ஈசியான முறை.
மீனை கடைசியில் தான் போடணும்
இல்லை என்றால் குழைந்து விடும்.
தேங்காய் பவுடர் இல்லாதவர்கள்,
தேங்காய் பத்தை நான்கு
அரைத்து பால் எடுத்து ஊற்றவும்.
மீன் குழம்பிற்கு
பிளெயின் சாதம், இடியாப்பம்,
ரொட்டி,ஆப்பம்,தோசை,மைதா அடை,
பருப்படை என எல்லாம் பொருந்தும்.
காஷ்மீரி சில்லி சேர்ப்பதால்
காரம் இல்லாமல்,அதே நேரம்
நல்ல சிவப்பு கலராகவும் இருக்கும்.
அப்படித் தயாரித்த மீன் குழம்பை
இரண்டு நாள் வைத்து
சாப்பிட்டால் அதன்
சுவையே தனி தான்.

அந்த மீனை அப்படியே கடலிலே
விட்டிருந்தால் தன் பாட்டுக்கு
நீந்திக்கொண்டிருக்கும்.

வன்முறைக்கவிதை

2011-12-24T13:24:00.001+05:30

உயிரோசையில் வெளியான கவிதை

நகம் வெட்டிக்கொண்டிருந்த போது
சிறிது சதையையும் சேர்த்து
வெட்டிவிட்டது நகவெட்டி

துணுக்காக வெளியேறிய
ரத்தம், சிறிது பெருகி
வழியத்தொடங்கியது.
நின்று விடும் என்று நினைத்து
கவனியாமல் விட்டுவிட நினைத்தேன்

தொடர்ந்து வழிந்து கொண்டேயிருந்தது.
சரி என்று வாயில் வைத்து
விரலைக்கொஞ்சம்
ஈரப்படுத்தினேன்.

உப்பு தோய்ந்து,சிவப்பு
நிறத்துடனான எனது
குருதியின் சுவை
நாக்கிற்கு மிகவும்
பிடித்துப்போய்விட்டது

இளஞ்சூட்டுடன் வழிவதை
தடுக்க மனமின்றி
சப்பிக்கொண்டேயிருக்கிறேன்

இதை வன்முறைக்கவிதை என்று
பிரசுரிக்க பலரும் மறுக்கின்றனர்
எனக்காக யாரேனும் சிபாரிசு
செய்வீர்களா..?!

காதல் கவிதைகள்

2011-12-22T08:40:00.000+05:30

நவீனவிருட்சம் இதழில் வெளியான கவிதை

கொஞ்சம் காதல்
கவிதைகள்
எழுதித்தரவேண்டும்
என பதிப்பாளர்
என்னிடம் கேட்டிருக்கிறார்,
யாருக்கேனும் என் கனவில்
வந்து போக விருப்பமா ?

ஏற்கனவே பிறரின் கனவுகளில்
உலவியவராயிருப்பினும்
பரவாயில்லை.
நீங்களும் உங்கள் நினைவுகளும்
என் காதல் கவிதைகளில்
நிச்சயம் இடம்பெறும்
என்பது உறுதி.

என் கனவுகளில் என்றும்
நிலைத்திருக்க வேண்டிவரும்
என்று அஞ்சத்தேவையில்லை.
அச்சில் வெளிவரப்
பெறுமானமுள்ள
கவிதைகள் தேறும் வரையே
உங்களின் நினைவுகள்
எனக்குத் தேவைப்படும்

நான் உறங்கிக்கொண்டிருக்கும்
நேரம் பார்த்து என் கனவுகளில்
நுழைந்துவிடுங்கள்
நான் விழித்திருக்கும் நேரம்
நுழைய நேர்ந்தால்
எப்போதும் அழியாமல்
தங்கிவிட வாய்ப்புண்டு.

அங்கே

2011-12-19T08:41:00.000+05:30

உயிரோசை'யில் எனது கவிதை

அங்கே
பறவைகள் தமது பாடலை
ஒரு கணம் நிறுத்தி பின் இசைக்கின்றன

அங்கே
சீறிப்பாய எத்தனித்த கடலலைகள்
பின் மெதுவாக எழும்பி அடங்குகின்றன

அங்கே
துயில் கொண்டிருந்த மேகங்கள்
சிறிது யோசித்து பின் கலைகின்றன.

அங்கே
பறந்துகொண்டிருந்த
பட்டாம்பூச்சிகள் தம் சிறகுகளை அசைப்பதை
சில வினாடிகள் நிறுத்தி பின் பறக்கின்றன

அங்கே
தெள்ளிய நீரில்
வழுக்கிச்சென்று கொண்டிருந்த மீன்கள்
தமது நீச்சலை நிறுத்தி பின் தொடர்கின்றன

அங்கே
அவர்களின் வயலின்கள் சிறிது
சிணுங்கி பின் தன் வாக்கில் இசைக்கின்றன

அங்கே
என்ன நடக்கிறது
என்று எட்டிப்பார்த்த பின் நானும்
எனது வழமையான பணியைத் தொடர்கின்றேன்.

பாரதி செல்லம்மா

2011-12-16T07:49:00.000+05:30

கடிதம்எழுதும் போதுபாரதிக்கு வயதுபத்தொன்பது. பாரதிபயங்கரவாத இயக்கங்களுடன் சேர்ந்துவிட்டான் என்றுஉறவினர் எழுதியகடிதம்கண்டுபயந்துபோனசெல்லம்மாள் எழுதியகடிதத்திற்கான பதிலிது.

கடிதம் -1 - 1901ம் ஆண்டு தன் மனைவி செல்லம்மாளுவிற்கு எழுதியது.

                                                       ஒம்
                                                                                                               ஸ்ரீகாசி
                                                                                                               ஹனுமந்த கட்டம்

எனதருமைக் காதலிசெல்லம்மாளுக்கு ஆசிர்வாதம். உன்அன்பானகடிதம்கிடைத்தது. நீஎன்காரியங்களில் இத்தனைபயப்படும்படியாக நான்ஒன்றும் செய்யவில்லை. விசுவநாதன் அனாவசியமாக உனக்குப் பயத்தைவிளைவித்திருக்கிறான். நான்எப்போதுமே தவறானவழியில் நடப்பவனல்ல. இதைப்பற்றி உன்னைசந்திக்கும் சமயங்களில் விவரமாகக் கூறுகிறேன். நீஇந்தமாதிரிகவலைப்படும் நேரங்களில் தமிழைநன்றாகப் படித்து வந்தாயானால் மிகவும் சந்தோஷமுறுவேன்.

உனதன்பன்
சி.சுப்ரமணியபாரதி

****

இந்த கடிதம்பெற்றவெங்கடேசுவர எட்டுத்தேவர் பாரதியின் நெருக்கமான நண்பர்களில் ஒருவர்.சமவயதுநண்பர்.கடையம்வந்ததும் தனதுமைத்துனர் அப்பாதுரையின் வீட்டில் தங்கியிருந்த பாரதிகடையம்ராமசாமி கோவிலுக்கு வடக்கேபட்டர்வீடு என்றஒட்டுக்கட்டடத்துக்கு குடியேறுகிறார். இதைபற்றியவிபரங்கள் தான்கடிதத்தில் உள்ளது.ஜமீன்தார் பொருளதவி செய்துஉதவினாரா என்றதகவல்கள் தெரியவில்லை.

கடிதம் 2 எட்டயபுரம் வெங்கடேச ரெட்டுவுக்கு கடிதம். 1919

கடயம்.
30 ஜனவரி.1919

ஸ்ரீமான் வெங்கடேச ரெட்டுவுக்கு நமஸ்காரம்

இந்தஊரில்ஒருவீடுமூன்றுவருஷத்துக்கு வாடகைக்கு வாங்கியிருக்கிறேன். அதைச்செப்பனிடுவதற்கு அவசியமான தொகைநாம்கையிலிருந்து செலவிட்டு, மேற்படி தொகைக்கு வீட்டுக்காரரிடமிருந்து கடன்சீட்டெழுதி வாங்கிக் கொள்வதாக ஒப்பந்தம் செய்யப்பட்டிருக்கிறது. இந்தஊரில்வேறுவீடுகிடைக்காதபடியால் இவ்வித ஒப்பந்தத்தின்மீது செப்பனிட வேண்டிய வீட்டைவாங்கிக் கொள்ளுதல் இன்றியமையததாகயிருக்கிறது.

இந்தவிஷயத்தைக் குறித்து மஹாராஜாவிடம் தனிமையாகத் தெரியப்படுத்தி, அவர்கள் கொடுக்கும் தொகையுடன் நீயும்,உன்னால் இயன்றது சேர்த்துக்கூடிய தொகையைஸ்ரீமான் சி.சுப்ரமணிய பாரதிபழையகிராமம் கடையம்என்றவிலாசத்துக்கு ஸ்ரீமதி சின்னம்மாச் சித்திமூலமாகவேனும்நேரிலேனும் விரைவில் அனுப்பும்படி வேண்டுகிறேன்

உனக்குமகாசக்தி அமரத்தன்மை தருக

உனதன்புள்ள
சி.சுப்ரமணிய பாரதி.